راجوری/02مئی2025ئنائب وزیر اعلیٰ سریندر کمار چودھری نے آج نوشہرہ میں پی ڈبلیو ڈِی ڈاک بنگلہ کا دورہ کیا تاکہ وہاں جاری تعمیراتی کاموں بالخصوص نئے کانفرنس ہال کی تعمیر کی پیش رفت کا جائزہ لیا جا سکے۔
دورے کے دوران نائب وزیر اعلیٰ نے منصوبے کے مختلف پہلوو¿ں کا جائزہ لیا جن میں کام کی موجودہ صورتحال، تعمیراتی سامان کی فراہمی اور اس کا اِستعمال اور منصوبے کی تکمیل کی متوقع مدت شامل تھی۔ حکام نے انہیں جانکاری دی کیا کہ اِس منصوبے کی تخمینہ لاگت 249 لاکھ روپے ہے اور یہ دسمبر 2025 ءتک مکمل کیا جائے گا۔
نائب وزیر اعلیٰ نے تعمیراتی معیار کا بغور معائینہ کیا اور متعلقہ ایجنسیوں کو ہدایت دی کہ وہ کام کی رفتار میں سرعت لائیںاور اعلیٰ معیار کو ہر صورت برقرار رکھیں۔
اُنہوں نے بنیا دی ڈھانچے کی ترقی کی اہمیت پر زور دیتے ہوئے حکام کو ہدایت دی کہ وہ ڈیڈ لائنز پر سختی سے تعمیل کو یقینی بنائیں اور پروجیکٹوں کی بروقت تکمیل میں حائل رُکاوٹوں کو دُور کریں۔
سریندرکمار چودھری نے کہا، ”معیار پر کسی بھی قیمت پر سمجھوتہ نہیں کیا جانا چاہئے کیوں کہ یہ منصوبے علاقے کی مجموعی ترقی او رعوامی فلاح و بہبود کے لئے نہایت اہم ہیں ۔“
اُنہوںنے شفافیت اور جوابدہی کو یقینی بنانے کے لیے جاری کاموں کی باقاعدہ نگرانی اور جائزہ لینے پر زور دیا۔
