دہشت گردی کے واقعات ایک آن اور آف صورتحال ،ہم کسی بھی قسم کی صورتحال کےلئے پوری طرح تیار

اسمبلی انتخابات کے تین مراحل میں تقریباً 88 لاکھ ووٹر اپنا حق رائے دہی استعمال کریں گے:پی کے پول
سری نگر:۴۲، اگست:جے کے این ایس : جموں و کشمیر کے چیف الیکٹورل آفیسر پی کے پول نے ہفتہ کے روز کہا کہ وزارت داخلہ جموں وکشمیر میں آئندہ اسمبلی انتخابات کے انعقاد کےلئے سیکورٹی فراہم کر رہی ہے۔جے کے این ایس کے مطابق خبررساں ادارے ANI سے بات کرتے ہوئے، چیف الیکٹورل آفیسر پی کے پول نے کہا کہ یہ فیصلہ وزارت داخلہ نے جموں و کشمیر خطے میں سیکورٹی چیلنجوں اور پرامن انتخابی عمل کو انجام دینے کےلئے کیا ہے۔جموں و کشمیر میں پچھلی دوتین دہائیوں سے سیکورٹی کے چیلنجز ہیں۔ حالیہ برسوں میں (دہشت گردی کے واقعات میں) کمی آئی ہے۔چیف الیکٹورل آفیسرکاکہناتھاکہ دہشت گردی کے واقعات ایک آن اور آف صورتحال ہے۔ انہوںنے کہاکہ ہم نے سیکورٹی کے تفصیلی انتظامات کئے ہیں۔چیف الیکٹورل آفیسرنے یقین دہانی کرائی کہ تمام امیدواروں، سیاسی جماعتوں، ہمارے آر او عہدیداروں، مبصرین، اسٹرانگ رومز کےلئے، یہ سب کچھ وزارت داخلہ کے ساتھ اٹھایا گیا تھا اور اسی کے مطابق سیکورٹی فراہم کی جارہی ہے۔وہ جموں و کشمیر میں آئندہ انتخابات کے لئے سیکورٹی انتظامات پر بات کر رہے تھے۔انہوں نے کہا کہ لوک سبھا انتخابات پرامن طریقے سے ہوئے ہیں۔ چیف الیکٹورل آفیسر پی کے پول نے کہاکہ اسمبلی انتخابات کے دوران بھی کوئی سیاسی تشدد نہیں ہوگا۔ ہم کسی بھی قسم کی صورتحال کےلئے پوری طرح تیار ہیں ۔دہشت گردی کے حالیہ واقعات کے پیش نظر ڈوڈہ میں پولنگ سٹیشنوں پر فورسز کی اضافی تعیناتی کے بارے میں پوچھے جانے پر، انہوں نے کہاکہ جن علاقوں میں حال ہی میں ملک دشمن عناصر کی سرگرمیاں بڑھی ہیں، ہم نے وہاں اضافی سیکورٹی فراہم کی ہے اور ولیج ڈیفنس کمیٹیوں کو بھی فعال کیا ہے۔ چیف الیکٹورل آفیسر پی کے پول نے اس یقین کااظہارکیاکہ مجموعی طور پر ایسا لگتا ہے کہ پرامن انتخابات ہوں گے۔ چیف الیکٹورل آفیسر پی کے پول نے مزید بتایا کہ جموں و کشمیر میں ہونے والے اسمبلی انتخابات میں تقریباً 88 لاکھ ووٹر اپنا حق رائے دہی استعمال کریں گے۔چیف الیکٹورل آفیسر نے بتایا کہ پہلے مرحلے میں7 اضلاع میں 18 ستمبر کو، دوسرے مرحلے میں 6 اضلاع میں 23 ستمبر کو اور تیسرے مرحلے میں7ضلاع میں یکم اکتوبر کو پولنگ ہوگی۔انہوں نے مزید کہا کہ جنوبی کشمیر کے4 اضلاع اور ڈوڈہ کے تین اضلاع میں پہلے مرحلے میں پولنگ ہوگی۔انہوں نے یہ بھی کہا کہ تمام پولنگ بوتھوں پر بنیادی کم از کم سہولیات کا انتظام کیا گیا ہے۔انہوں نے مزید کہا کہ خصوصی سمری نظرثانی کے تحت209 نئے پولنگ سٹیشن بنائے گئے اور سیاسی جماعتوں سے مشاورت کے بعد تقریباً 200 پولنگ سٹیشنز کی لوکیشن کا تعین کیا گیا۔ چیف الیکٹورل آفیسرنے مزید بتایاکہ مردوں اور عورتوں کے لیے الگ الگ قطاریں ہوں گی۔ بزرگوں کے لیے علیحدہ انتظامات ہوں گے ۔انہوں نے مزید کہا کہ چیف الیکشن کمشنر کی ہدایت پر ہر پولنگ بوتھ پر ویب کاسٹنگ کی جائے گی۔جموں و کشمیر میں اسمبلی انتخابات تین مرحلوں میں 18،25 ستمبر اور یکم اکتوبر کو ہوں گے۔ پہلے مرحلے میں 24 اسمبلی سیٹوں پر 18 ستمبر کو ووٹ ڈالے جائیں گے۔پہلے مرحلے میں جن سیٹوں پر پولنگ ہوگی، وہ ہیں پامپور، ترال، الواما، راج پورہ، زینا پورہ، شوپیاں، ڈی ایچ پورہ، کولگام، دیوسر، ڈورو، کوکرناگ (ایس ٹی)، اننت ناگ ویسٹ، اننت ناگ، سری گفوارہ-بجبہاڑہ، شنگوس۔ اننت ناگ ایسٹ، پہلگام، اندروال، کشتواڑ، پیڈر ناگسینی، بھدرواہ، ڈوڈا، ڈوڈا ویسٹ، رامبن اور بانہال۔نتائج کا اعلان 4 اکتوبر کو کیا جائے گا۔جموں و کشمیر میں کل 90 اسمبلی حلقوں میں انتخابات ہوں گے۔ جموں و کشمیر میں آخری اسمبلی انتخابات2014 میں ہوئے تھے۔ قابل ذکر ہے کہ جموں و کشمیر اسمبلی انتخابات سے پہلے، کانگریس اور نیشنل کانفرنس نے قبل از انتخابات اتحاد کا اعلان کیا اور کہا کہ وہ زیادہ تر سیٹوں پر اتفاق رائے پر پہنچ گئے ہیں