جی او سی وائٹ نائٹ کورکی اہم سیکورٹی جائزہ میٹنگ کی جموں میں صدارت

سرینگر// : جموں میں واقع وائٹ نائٹ کور کے جنرل آفیسر کمانڈنگ لیفٹیننٹ جنرل نوین سچدیوا نے ہفتہ کو یہاں ایک مشترکہ اہم سیکورٹی جائزہ میٹنگ کی جس میں خطے میں امن کو برقرار رکھنے پر توجہ مرکوز کی گئی۔اس دوران میٹنگ میں تمام تعلق داروں نے شرکت کی ہے بتایا جاتا ہے کہ جموں خطے میں 30سے زیادہ علاقوں میں فورسز کی تلاشی مہم جاری ہے جہاں آخری اطلاعات ملنے تک کسی بھی جگہ کوئی رابط نہیں ہوا ہے تاہم مہم جاری ہے ۔کشمیرنیوز سروس ( کے این ایس ) کے مطابق یہ میٹنگ دہشت گردوں کا مقابلہ کرنے کے لیے جموں بھر میں تلاشی کی کارروائیوں میں شدت کے درمیان ہوئی ہے، جنہوں نے گزشتہ سال کئی حملے کرکے ڈویڑن کے مختلف اضلاع میں اپنی موجودگی ظاہر کی ہے۔جی او سی وائٹ نائٹ کور کی زیر صدارت ایک مشترکہ سیکورٹی جائزہ میٹنگ انٹیلی جنس ایجنسیوں، جے اینڈ کے پولیس، اور سی آر پی ایف (سنٹرل ریزرو پولیس فورس) کے نمائندوں کے ساتھ منعقد کی گئی۔آرمی کی وائٹ نائٹ کور، جسے XVI کور کے نام سے بھی جانا جاتا ہے، نے X پر ایک پوسٹ میں کہا، "مقصد آپریشنل ہم آہنگی کے ساتھ خطے میں امن و سکون کو برقرار رکھنا تھا۔دریں اثنا سیکورٹی فورسز نے ہفتہ کو جموں خطے میں تقریباً تین درجن مقامات پر انسداد دہشت گردی آپریشن شروع کیا، سیکورٹی حکام نے بتایا۔یہ کارروائیاں کچھ حصوں میں مشتبہ نقل و حرکت پر اور دیگر جگہوں پر علاقے پر تسلط کی مشق کے ایک حصے کے طور پر شروع کی گئیں۔ حکام نے بتایا کہ دہشت گردوں سے ابھی تک کوئی رابطہ قائم نہیں ہوا ہے۔پونچھ اور راجوری کے جڑواں سرحدی اضلاع، اودھم پور-کٹھوا بیلٹ کے اونچے حصے، پہاڑی ڈوڈہ اور کشتواڑ اور جموں ضلع میں لائن آف کنٹرول (ایل او سی) کے قریب جنگلات میں آپریشن جاری تھا جب مشکوک سرگرمیوں کی آخری اطلاعات موصول ہوئیں۔حکام کے مطابق، پونچھ ضلع کے گورسائی کے سنگیوٹے علاقے میں میدان محلہ میں جمعہ کی رات دیر گئے اندھیرے کی آڑ میں دو مشتبہ غیر ملکی دہشت گردوں کے گھومنے کے بعد تلاشی مہم شروع کی گئی۔سیکورٹی فورسز نے منڈی کے محلہ قصبہ، آلاپیر اور جالیان اور پونچھ میں منکوٹ اور ڈیرہ کی گلی اور ملحقہ علاقوں کے علاوہ قریبی راجوری ضلع کے سندر بنی اور نوشہرہ سیکٹر کے کچھ حصوں میں بھی محاصرے اور تلاشی کی کارروائی شروع کی پونچھ-راجوری میں 13 مقامات اور اودھم پور، کٹھوعہ، ڈوڈا، کشتواڑ اور ڈوڈہ اضلاع کے اونچے علاقوں میں 18 مقامات پر کھڈیران کے جنگلات پر توجہ مرکوز کرتے ہوئے تلاشی جاری ہے۔انہوں نے بتایا کہ جموں ضلع کے اکھنور سیکٹر میں کیری، بھٹل اور ملحقہ علاقوں میں بھی تلاشی مہم جاری ہے حکام نے بتایا ااس دورام کسی بھی جگہ کوئی تا حال ملی ٹینٹوں کے ساتھ رابط نہیں ہوا۔