سرینگر /سابق وزیر اعلیٰ اور پیپلز ڈیموکریٹک پارٹی (پی ڈی پی) کی صدر محبوبہ مفتی نے پیر کولیفٹیننٹ گورنر منوج سنہا سے ملاقات کی اس دورن انہوں نے کشمیری پنڈتوں کے حوالے سے کئی اہم مسائل اٹھائے ہیں ۔انہوں نے کہا ملاقات کے دوران انہوں تین ایم مسائل پر مشتمل ایک میمورنڈم نما ایک ڈاکومنٹ یل جی کو پیش کیا ہے ۔اس ملاقات کے بعد محبوبہ مفتی نے ایک پریس کانفرنس کا انعقادکیا ہے جس دوران انہوں نے اس ملاقات کے حوالے سے میڈیا کو جانکاری دی ہے ۔کشمیر نیوز سروس ( کے این ایس ) کے مطابق لیفٹیننٹ گورنر منوج سنہا سے ملاقات کے بعد ایک پریس کانفرنس سے خطاب کرتے ہوئے محبوبہ مفتی نے کہا کہ انہوں نے کشمیری پنڈتوں کو سیاسی طور بااختیار بنانے، عید کے پیش نظر جیلوں سے لوگوں کی رہائی اور امرناتھ یاترا کے ہموار انعقاد کے لیے مقامی لوگوں کو شامل کرنے سمیت کئی مطالبات اٹھائے۔انہوں نے کہا ہے کہ ©©کشمیری پنڈتوں کو سیاسی طور پر بااختیار بنانے کی ضرورت ہے جس کے لیے ان کے لیے ریزرویشن کو یقینی بنانے کی ضرورت ہے۔ اس طرح سے، ہم حقیقی انضمام کو یقینی بنا سکتے ہیں،” انہوں نے مزید کہا، انہوں نے لیفٹیننٹ گورنر سے کہا کہ وہ کشمیری پنڈتوںکے لیے نامزدگیوں کے بجائے ریزرویشن کو یقینی بنانے کے لیے مرکز کو آگاہ کریں۔پی ڈی پی کے سربراہ نے یہ بھی کہا کہ کشمیری پنڈتوں کی واپسی کمیونٹی کو بااختیار بنائے بغیر ممکن نہیں ہوسکتی ہے اور یہ وقت ہے کہ وادی سے کشمیری مسلمانوں کے انخلاءپر لگے دھبے کو دور کرنے کے لیے مشترکہ طور پر کام کیا جائے۔انہوں نے کہا ہے مکہ کشمیری مسلمانوں پر یہ ایک بد نما داغ ہے کہ انہوں نے انہیں نکلنے ہی کیوں دیا تھا ؟۔انہوں نے کہا کہ امرناتھ یاترا کے انعقاد پر بھی تبادلہ خیال کیا گیا اور اس نے مقامی لوگوں کو اس عمل میں شامل کرنے کا مطالبہ کیا جنہوں نے ہمیشہ سالانہ یاترا کو یقینی بنانے میں مدد کی ہے۔محبوبہ مفتی نے مزید کہا کہ کشمیریوں قیدیوںکی رہائی بھی ان کا مطالبہ ہے۔ انہوں نے کہا کہ میں نے یہ بھی مطالبہ کیا کہ جن پر کوئی سنگین الزام نہیں ہے انہیں عید کے پیش نظر رہا کیا جائے اور مختلف جیلوں میںبند افراد کو واپس لایا جائے۔ایک سوال کے جواب میں محبوبہ مفتی نے کہا کہ وزیر اعلیٰ عمر عبداللہ خود منتخب حکومت کو کمزور کر رہے ہیں۔وقف بل کا حوالہ دیتے ہوئے، انہوں نے کہا کہ چیف منسٹر نے سنگین مسئلہ پر بحث کرنے کے بجائے ٹیولپ گارڈن میں مرکزی وزیر کا استقبال کرنے کو ترجیح دی۔ "پھر بھی، میں نے یہ مطالبات عمر صاحب کے ساتھ بھی اٹھائے ہیں، دیکھتے ہیں حکومت کیا کر سکتی ہے.
