مولہ میں مذہبی بھائی چارہ دکھائی دیا کیونکہ مسلم میزبانوںنے پنڈت مہمانوں کاخاص خیال رکھا۔

گاندربل :۳،جون:  : لیفٹیننٹ گورنر منوج سنہا نے منگل کو کہا کہ کھیر بھوانی مندر میں عقیدت مندوں کا بڑا اجتماع 22 اپریل کے بعد اس طرح کا پہلا اہم اجتماع ہے۔خبر رساں ایجنسی جے کے این ایس کے مطابق، کھیربھوانی مندرمیں حاضری دینے اوریہاں پوجاکےساتھ امن ،ترقی ،سلامتی اورخوشحالی کیلئے دعائیں کرنے کے بعدتلمولہ گاندربل میں نامہ نگاروں سے بات کرتے ہوئے لیفٹیننٹ گورنر منوج سنہانے کہاکہ میلہ کھیر بھوانی میں شرکت کے لیے عقیدت مند بڑی تعداد میں آئے ہیں، یہ ایک اچھی علامت ہے او22 اپریل کے بعد یہ پہلا موقع ہے کہ کسی جگہ اتنی بھیڑ جمع ہوئی ہے۔عقیدت مندوں کا استقبال کرتے ہوئے، لیفٹیننٹ گورنر منوج سنہا نے یقین دلایا کہ انتظامیہ نے ہموار انتظامات کو یقینی بنایا ہے۔ انہوں نے کہاکہ انتظامیہ نے میلے کے لیے اچھے انتظامات کیے ہیں۔ یاتری نواس پر بھی کام جاری ہے ۔3 جولائی سے شروع ہونے والی سالانہ امرناتھ یاترا کے بارے میں منوج سنہا نے کہا کہ یاترا کے لیے تمام تیاریاں مکمل ہیں۔ سیکورٹی انتظامات کو بھی حتمی شکل دے دی گئی ہے۔ انہوںنے کہاکہ میں ملک بھر کے عقیدت مندوں سے اپیل کرتا ہوں کہ وہ آئیں اور بابا برفانی کا آشیرواد لیں۔اسے پہلے جیشٹھا اشٹمی کے مبارک موقع پر،جموں وکشمیرکے لیفٹیننٹ گورنر منوج سنہا نے منگل کو ضلع گاندربل کے تلمولہ میں واقع تاریخی ماتا کھیر بھوانی مندر کا دورہ کیا۔لیفٹیننٹ گورنرمنوج سنہا نے مندر میں پوجا کی اور امن، خوشحالی، خوشی اور تمام شہریوں کی بھلائی کےلئے دعائیں مانگیں۔اپنے دورے کے دوران، لیفٹیننٹ گورنر منوج سنہانے عقیدت مندوں کےساتھ بات چیت کی اور مندر میں جمع ہونے والے کشمیری پنڈت برادری اور دیگر لوگوں کےلئے اس دن کی روحانی اہمیت کو تسلیم کرتے ہوئے، اپنی گرمجوشی سے مبارکباد دی۔