سرینگر، 15 جنوری (کے این ایس): وادی کشمیر میںمہاشیو راتری یا ہیراتھ جیسا کہ یہاں کشمیر میں جانا جاتا ہے اتوار کو پوری وادی میں مذہبی جوش و خروش کے ساتھ منایا گیا جب کشمیری پنڈت بڑی تعداد میںعبادت کرنے کے لیے مندروں میں گئے۔سب سے بڑا اجتماع شنکراچاریہ مندر میں ہوا، کئی رنگوں کی روشنیوں نے مندر کو منور کر دیا، اور ہوا عقیدت مندوں کے نعروں سے گونج رہی تھی۔ ادھرلیفٹیننٹ گور نر منوج سنہا اور وزیر اعلیٰ عمر عبداللہ سمیت مختلف سیاسی لیڈران نے مہاشیوراتری کے پر مسرت موقع پر لوگوں کو مبارکباد پیش۔کشمیر نیوز سروس ( کے این ایس ) کے مطابق سیاحوں سمیت لوگوں کی بڑی تعداد نے دیوتا کو پھول اور پھل چڑھائے اور ان سے آشیرواد حاصل کیا۔اسی طرح کی تقریبات کا اہتمام وادی کشمیر کے مختلف علاقوں میں واقع دیگر مندروں میں بھی منایا گیا۔ہیراتھ، جس کا مطلب ہے "ہرا کی رات” (لارڈ شیو)، کشمیری پنڈت برادری کے لیے ایک اہم تہوار ہے۔ یہ قمری مہینے فلگنا کے تاریک پندرھوڑے کے 13 ویں دن منایا جاتا ہے، اور یہ بھگوان شیو اور دیوی پاروتی کی الہی شادی کی علامت ہے۔ہیراتھ کی ایک لازمی رسم میں اخروٹ کو مٹی کے برتنوں میں بھگونا شامل ہے، جو زرخیزی، خوشحالی اور الہی نعمتوں کی علامت ہے۔بہار سے ایک سیاح پوجا نے کہا، "یہ تہوار بہار اور دیگر مقامات پر جوش و خروش سے منایا جاتا ہے۔ ہم اس موقع پر یہاں آکر خوش قسمت محسوس کرتے ہیں۔”ایک اور سیاح اپیش نے کہا کہ انہوں نے خاص طور پر اس تہوار کے لیے کشمیر کے سفر کا منصوبہ بنایا تھا۔ انہوں نے مزید کہا، ”ہم آج یہاں درشن کر کے خوش قسمت محسوس کر رہے ہیں۔ادھرجموں و کشمیر کے لیفٹیننٹ گور نر منوج سنہا اور وزیر اعلیٰ عمر عبداللہ نے مہاشیوراتری کے پر مسرت موقع پر لوگوں کو مبارکباد پیش کی اور لوگوں کی خوشی و خوشحالی کے لئے دعا کی۔ منوج سنہا نے ایکس پر اپنے ایک پوسٹ میں کہا: میں مہاشیوراتری کے پر مسرت موقع پر سب کو مبارکباد پیش کرتا ہوں۔ انہوں نے دعا کرتے ہوئے کہا: بھگوان شیو ہم پر اپنی الی نعمتوں کی بارش کرتے رہیں۔ میں ہر شہری کی صحت، خوشی اور خوشحالی کے لیے دعا گو ہوں۔ یہ تہوار آنے والے برسوں تک بھائی چارے کے رشتوں کو مضبوط کرے۔عمر عبد اللہ نے اس مقدس موقع پر لوگوں کو مبارکباد پیش کرتے ہوئے دعا کی کہ یہ تہوار سب کے لئے امن، خوشحالی اور فلاح و بہبود کی نوید لے کر آئے۔ وزیر اعلیٰ کے دفتر کے ایکس ہینڈل پر ایک پوسٹ میں کہا گیا: وزیر اعلیٰ نے مہاشیوراتری کے پر مسرت موقع پر جموں و کشمیر کے لوگوں کو تہہ دل سے مبارکباد پیش کی۔ پوسٹ میں کہا گیا: انہوں نے سب کے لیے امن، خوشحالی اور فلاح و بہبود کے لیے دعا کی اور امید ظاہر کی کہ یہ تہوار جموں و کشمیر میں بھائی چارے، اتحاد اور فرقہ وارانہ ہم آہنگی کے رشتوں کو مضبوط کرے گا۔ادھرڈی ڈی سی ممبر ترال وجموںو کشمیر اپنی پارٹی کے لیڈر ڈاکٹر ہر نخش سنگھ نے مہاشوراتری کے موقعے پندٹ برادی کے لوگوں کو مبارک باد پیش کی ہے ۔ اپنے ایک بیان میں ڈاکٹر ہر بخش سنگھ نے میں مہا شوراتری کے موقعے پر اپنی پنڈت برادری کے لوگوں کو مبارک باد پیش کرتا ہوں اور دعا کرتا ہوں کہ یہ دن سب کے لئے خوشی اور مسرت کا پیغام لیکر آئے اور ہمارا یہ بھائی چاری ہمیشہ قائم و دائم رہے ۔
