سری نگر/17فروری 2026ئوزیر اعلیٰ عمر عبداللہ نے آج اِنصاف تک رَسائی کو بڑھانے اور عدالتوں کے بوجھ کو کم کرنے میں بالخصوص دیہی اور دُور دراز علاقوں میں رہنے والے لوگوں کے لئے ٹیلی لااَقدام کے اہم کردار کو اُجاگر کیا۔
وزیر اعلیٰ نے آج یہاں شیر کشمیر اِنٹرنیشنل کنونشن سینٹر ( ایس کے آئی سی سی) میں مرکزی وزارت قانون و اِنصاف کے زیر اہتمام منعقدہ ٹیلی لا¿ کے علاقائی ورکشاپ سے خطاب کرتے ہوئے اُمید ظاہر کی کہ مرکزی حکومت اور وزارت ِانصاف ساتھ مل کر اجتماعی کوششوں سے اِس سکیم کو مزید تقویت ملے گی۔اُنہوں نے کہا،”مجھے اُمید ہے کہ اس ورکشاپ کے بعد ہم مرکزی حکومت اور وزارتِ انصاف کے ساتھ مل کر دیکھیں گے کہ اس سکیم کو کس طرح مزید مضبوط اور وسعت دی جا سکتی ہے۔ ہم مزید وکلا¿ پرو بونو کوجوڑیں گے تاکہ ہر شخص بروقت اور مناسب مقام پر اِنصاف حاصل کر سکے۔“ورکشاپ ٹیلی لا¿ اَقدام کے تحت منعقد کی گئی، جو”ڈیزائننگ انوویٹو سولیوشنز فار ہولسٹک ایکسس ٹو جسٹس (ڈِی آئی ایس ایچ اے)“کے تحت ایک مرکزی شعبہ جاتی سکیم ہے جسے مرکزی وزارتِ قانون و اِنصاف کے محکمہ اِنصاف کے ذریعے عملایا جا رہا ہے۔اس تقریب سے مرکزی وزیر مملکت (آزاد چارج) برائے قانون و اِنصاف ارجن رام میگھوال نے بھی خطاب کیا۔تقریب میں چیف جسٹس جموں و کشمیر اور لداخ ہائی کورٹ جسٹس ارون پلی، سیکرٹری وزارت قانون و اِنصاف نیرج ورما اور دیگر سینئر اَفسران و شراکت داروں نے بھی شر کت کی۔وزیرا علیٰ نے ٹیلی لا¿ کی اہمیت کو اُجاگر کرتے ہوئے کہا کہ یہ اَقدام تنازعات کو عدالتوں تک پہنچنے سے پہلے حل کرنے میں اہم کردار ادا کرتا ہے۔
