سری نگر:۹۲، مارچ:جے کے این ایس : لیفٹیننٹ گورنر منوج سنہا نے بدھ کے روز کہا کہ جموں و کشمیر میں گزشتہ3 سے 4 سالوں میں ترقی کی رفتار میں مثالی تبدیلی آئی ہے۔جے کے این ایس کے مطابق سرمائی دارالحکومت جموںمیں جموں و کشمیر کے سالانہ بجٹ برائے مالی سال 2023-24سے متعلق ایک پریس کانفرنس سے خطاب کرتے ہوئے، لیفٹیننٹ گورنر منوج سنہانے کہا کہ گزشتہ10 مہینوں کے دوران 1547.87 کروڑ روپے کی اب تک کی سب سے زیادہ سرمایہ کاری موصول ہوئی ہے۔انہوںنے ساتھ ہی کہاکہ جموں وکشمیرمیں گزشتہ3 سالوں کے دوران500 اسٹارٹ اپس سامنے آئے ہیں۔لیفٹیننٹ گورنر منوج سنہانے کہا کہ پچھلے سال جموں و کشمیر میں 14.64 فیصد کی اقتصادی ترقی ہوئی ہے اور ٹیکس ریونیو یعنی آمدنی میں 31 فیصد اضافہ ہوا ہے۔انہوں نے کہا کہ جموں و کشمیر میں امن و امان کی صورتحال قابل تعریف طور پر بہتر ہوئی ہے اور رواں سال سب سے زیادہ ایک کروڑ88لاکھ سیاحوں نے جموں و کشمیر کا دورہ کیا۔لیفٹیننٹ گورنر منوج سنہا نے کہا کہ جموں و کشمیر پردھان منتری گرام سڑک یوجنا (PMGSY)، امرت سروور، سوامیتوا اسکیم، آزادی کا امرت مہوتسو، نشا مکت ابھیان اور قابل تجدید توانائی کی ترقی جیسی اسکیموں کے نفاذ کے لئے ملک میں سرفہرست کارکردگی کا مظاہرہ کرنے والوں میں شامل ہے۔ انہوںنے مزید کہاکہ زیادہ تر سماجی تحفظ کی اسکیمیں جموں و کشمیر میں سیر کی گئی ہیں۔لیفٹیننٹ گورنر منوج سنہا نے نامہ نگاروںکو بتایاکہ ”میرا نوجوان میرا فخر، ہر دن کھیل ہر ایک کےلئے کھیل“کے تحت اس سال تقریباً50 لاکھ نوجوانوں نے مختلف کھیلوں کی سرگرمیوں میں حصہ لیا ہے۔ڈیجیٹل جموںوکشمیر پہل کے بارے میں انہوں نے کہاکہ445 آن لائن خدماتe-UNNAT پورٹل کے ذریعے فراہم کی جا رہی ہیں۔ 225 ای خدمات کو ریپڈ اسیسمنٹ سسٹم کے ساتھ مربوط کیا گیا ہے تاکہ خدمات کی فراہمی کے معیار پر حقیقی وقت میں رائے حاصل کی جا سکے،اورساتھ ہی تمام آن لائن خدمات کو جموں و کشمیر میں پبلک سروس گارنٹی ایکٹ سے جوڑ دیا گیا ہے۔لیفٹیننٹ گورنر منوج سنہا نے کہا کہ ریاستوں اورمرکز کے زیر انتظام علاقوں میں جموں و کشمیر پہلا یوٹی ہے جس کے پاس ضلعی سطح پر عوامی خدمات کی فراہمی کا اندازہ لگانے کے لیے ضلعی گڈ گورننس انڈیکس ہے۔انہوںنے کہاکہ خواہش مند پنچایت ترقیاتی پروگرام، خواہش مند بلاک ترقیاتی پروگرام اور خواہش مند ٹاو¿ن ڈیولپمنٹ پروگرام جموں و کشمیر میں نافذ کیے جانے والے تین نئے اقدامات ہیں۔لیفٹیننٹ گورنر منوج سنہا نے کہا کہ رواں مالی سال2022-23 کے آخری10 مہینوں کے دوران 1547.87 کروڑ روپے کی اب تک کی سب سے زیادہ سرمایہ کاری ہوئی ہے جبکہ گزشتہ 3 سالوں کے دوران500 اسٹارٹ اپس سامنے آئے ہیں۔انہوں نے کہا کہ بے روزگاری کی شرح میں معمولی کمی آئی ہے۔ 33426 آسامیاں ریکروٹنگ ایجنسیوں کو بھیج دی گئی ہیں۔ 25450اسامیوں کیلئے اُمیدواروں کا انتخاب کیاگیاہے، جن میں جے اینڈ کے بینک لمیٹڈ کے 2436 انتخاب شامل ہیں۔ تقریباً 2,02,749 نوجوانوں کو مختلف سیلف ایمپلائمنٹ سکیموں کے تحت کور کیا گیا ہے اور رواں سال کے آخر تک 2,37,000 نوجوانوں کو کور کرنے کا ہدف ہے۔ انہوں نے مزید کہاکہ اگلے سال تقریباً 3 لاکھ نوجوانوں کو تمام خود روزگار سکیموں کے تحت کور کیا جائے گا۔لیفٹیننٹ گورنر منوج سنہا نے کہاکہ سال2018-19میں9228 کام مکمل کیے گئے۔سال2019-20میں12637 کام، مالی سال2020-21میں21943 اور مالی سال2021-22 میں 50627 کام مکمل ہوئے ۔انہوںنے کہاکہ اس سال ہم توقع کرتے ہیں کہ 70ہزار کام مکمل ہوں گے۔لیفٹیننٹ گورنر منوج سنہا نے کہاکہ گزشتہ تین سے چار سالوں میں جموں و کشمیر میں ترقی کی رفتار میں ایک مثالی تبدیلی ہے۔ انہوں نے مزید کہا، "2018میں 1500سے1600کلومیٹر کے مقابلے میں سڑک کی تعمیر تقریباً دوگنی ہو کر 3200 کلومیٹر ہو گئی۔جموں و کشمیر کے لیے منظور شدہ ایک لاکھ کروڑ روپے کے بجٹ پر منوج سنہا نے کہاکہ یہ امرتکال کا پہلا بجٹ ہے۔ یہ تیسری بار ہے کہ جموں و کشمیر کا بجٹ ترقی کو یقینی بنانے کے لیے ایک لاکھ کروڑ روپے سے تجاوز کر گیا ہے۔ انہوںنے کہاکہ یہ بجٹ امرتکال کے دوران ترقی کے سفر کو تقویت دے گا۔منوج سنہانے کہا کہ ہم گزشتہ تین سالوں کے دوران نئے جموں و کشمیر کے خواب کو پورا کرنے کی کوشش کر رہے ہیں۔منوج سنہانے کہا کہ کشمیر میں رات کی بس سروس شروع ہو گئی ہے،اورمیرے خیال میں یہ 30 سال بعد شروع ہوا ہے۔
