شمالی ضلع بانڈی پورہ میں مشتبہ جنگجووں نے جمعہ کوبعددوپہر سیکورٹی فورسز پر گرینیڈ حملہ کردیا جس کے نتیجے میں ایک اہلکار ہلاک جبکہ 3 دیگر زخمی ہوئے ہیں۔جے کے این ایس کے مطابق ذرائع نے بتایا کہ جمعے کے روز بانڈی پورہ میں نشاط پارک کے نزدیک ملی ٹینٹوں نے سیکورٹی فورسز پر گرینیڈ داغا جوزوردار دھماکے کیساتھ پھٹ گیا،جس کے نتیجے میں پولیس کے4 اور ایک سی آر پی ایف جوان سمیت5 اہلکار زخمی ہوئے ۔ذرائع نے بتایاکہ زخمی اہلکاروں کو علاج ومعالجہ کی خاطر فوری طورپر نزدیکی ہسپتال پہنچایا گیا جہاں پر ایک اہلکار زخموں کی تاب نہ لا کر چل بسا ۔متوفی اہلکار کی شناخت ایس پی اؤو زبیر احمد ساکن پاپہ چھن بانڈی پورہ کے بطور ہوئی ہے۔پولیس ، فوج اور پیرا ملٹری فورسز نے ایک وسیع علاقے کو محاصرے میں لے کر حملہ آوروں کی بڑے پیمانے پر تلاش شروع کی ہے۔
