سید اعجاز
سری نگر 07 دسمبر : لیفٹیننٹ گورنر جموں و کشمیر منوج سنہا نے بدھ کے روز آرمڈ فورسز فلیگ ڈے موقفے پر مسلح افواج اور ان کے اہل خانہ کو مبارکباد پیش کی۔”آرمڈ فورسز فلیگ ڈے پر ہماری مسلح افواج کے تمام ارکان اور ان کے اہل خانہ کو پرتپاک سلام اور نیک خواہشات۔ میں اپنے فوجیوں کی ہمت اور لگن کو سلام پیش کرتا ہوں اور ان کی بہادری اور ہمارے ملک کی خدمت کو تشکر کے ساتھ تسلیم کرتا ہوں”، کشمیر نیوز سروس کے مطابق ایل جی سنہا نے کہا۔ انہوں نے یہ بھی کہا، "یوم پرچم ہم سب کے لیے مسلح افواج کے بہادر اہلکاروں کے ساتھ اظہار تشکر اور یکجہتی کا ایک موقع ہے۔ میں تمام شہریوں سے اپیل کرتا ہوں کہ وہ آرمڈ فورسز فلیگ ڈے فنڈ میں دل کھول کر حصہ ڈالیں اور فوجیوں کی فلاح و بہبود کے عظیم مقصد کی خدمت کریں، سابق فوجی اور ان کے اہل خانہ”۔
