سری نگر:۴۱،دسمبر:حکومت نے سیول انتظامیہ میں تبادلے وتعیناتی کی پالیسی کے تحت7(JKAS) افسران کاتبادلہ عمل میں لاکر اُنھیں نئی جگہوں پر تعینات کردیاہے ۔اس دوران محکمہ تعلیم میں سری نگرسمیت کشمیر کے5اضلاع میں نئے چیف ایجوکیشن افسروں کے علاوہ DIETکولگام کیلئے نئے پرنسپل کی تعیناتی عمل میں لائی گئی ہے ۔جے کے این ایس کے مطابق جنرل ایڈمنسٹریشن ڈیپارٹمنٹ میں تعینات حکومت کے سیکرٹری ڈاکٹر پیوش سنگلہ (آئی اے ایس) کی جانب سے13دسمبر 2022کوجاری کردہ ایک گورنمنٹ آرڈر زیر نمبر1530-JK(GAD)آف 2022کے تحت 7(JKAS) افسران کاتبادلہ عمل میں لاکر اُنھیں نئی جگہوں پر تعینات کردیاگیاہے۔جے کے اے ایس افسر سمیر احمدخان کوایس ڈی ایم گلمرگ کی ذمہ داری سے فارغ کرتے ہوئے کو دستیاب اسامی پر جنرل منیجر، ڈی آئی سی، کپواڑہ کے طور پر تعینات کیا گیا ہے۔جے کے اے ایس افسر نعیم النساء سب ڈویڑنل مجسٹریٹ سرنکوٹ پونچھ، جو سب رجسٹرار، پونچھ کا اضافی چارج رکھتی ہیں، کا تبادلہ عمل میں لاکر اُنھیں اسسٹنٹ کمشنر پنچایت، پونچھ کے طور پرتعینات کیا گیا ہے۔جے کے اے ایس افسر سید الطاف حسین موسوی، اسسٹنٹ کمشنر پنچایت بانڈی پور، کا تبادلہ عمل میں لاکر اُنھیں سب ڈویڑنل مجسٹریٹ، گلمرگ تعینات کیا گیا ہے۔ رضوان اصغر(جے کے اے ایس)، اسسٹنٹ کمشنرپنچایت، شوپیاں، کا تبادلہ عمل میں لاکراُنھیں سب ڈویڑنل مجسٹریٹ سرنکوٹ کے طور پر تعینات کیا گیا ہے۔ وہ اگلے احکامات تک اپنی ذمہ داریوں کے علاوہ سب رجسٹرار، سرنکوٹ کے عہدے کا چارج بھی سنبھالیں گے۔جے کے اے ایس افسر بشیر احمد لون، سب ڈویڑنل مجسٹریٹ سمبل کو تبدیل کرکے جنرل منیجر، ڈی آئی سی کولگام کے طور پر تعینات کیا گیا ہے جبکہ جناب شرجیل علی نائیکو(جے کے اے ایس) اسسٹنٹ کمشنر پنچایت کولگام، کواس چارج سے فارغ کیا گیا ہے۔جے کے اے ایس افسر امیش شان، اسسٹنٹ کمشنر پنچایت ریاسی کو ایک دستیاب اسامی پر تبدیل کرکے ڈپٹی ڈائریکٹر ٹورازم، جموں کے طور پر تعینات کیا گیا ہے۔جبکہ جے کے اے ایس افسر عامر چودھری، بی ڈی او، نوگام، کو سب ڈویڑنل مجسٹریٹ سمبل کے طور پر تبدیل کر کے تعینات کیا گیا ہے۔اس دوران پرنسپل سیکرٹری اسکول ایجوکیشن ڈیپارٹمنٹ کی جانب سے 14دسمبر2022کوجاری کردہ ایک گورنمنٹ آرڈر زیر نمبر 2187-JK(Edu)آف2022کے تحت سری نگرسمیت کشمیر کے5اضلاع میں نئے چیف ایجوکیشن افسروں کے علاوہ DIETکولگام کیلئے نئے پرنسپل کی تعیناتی عمل میں لائی گئی ہے ۔آرڈر کے مطابق علی محمدخان کوچیف ایجوکیشن آفیسر باناڈی پورہ ،چمن لال شرماکوچیف ایجوکیشن آفیسر بارہمولہ ،سشما کول کو چیف ایجوکیشن آفیسر پلوامہ ،ونود کمار جاڈکوچیف ایجوکیشن آفیسرسر ی نگر اوررمیش کمار حکیم کوچیف ایجوکیشن آفیسر اننت ناگ مقرر کیاگیاہے جبکہ رام پال شرما کوDIETکولگام کا پرنسپل تعینات کیاگیا ہے۔
