جموں و کشمیر میں دہشت گردی، شمال مشرق میں شورش، بائیں بازو کی انتہا پسندی میں کمی :مرکزی وزیرداخلہ

سری نگر :۱۱،فروری :مرکزی وزیرداخلہ امت شاہ نے ’ دہشت گردی، شورش اور انتہا پسندی کے واقعات ‘میں کمی آنے کادعویٰ کرتے ہوئے ہفتے کویہ بات دوہرائی کہ وزیراعظم نریندر مودی کی سربراہی والی حکومت کی دہشت گردی کے تئیں پالیسی زیرﺅ ٹالرنس پر مبنی ہے ۔انہوںنے کہاکہ این ڈی اے حکومت جموں و کشمیر میں دہشت گردی، شمال مشرق میں شورش، بائیں بازو کی انتہا پسندی پر قابو پانے میں کامیاب رہی۔جے کے این ایس مانٹرینگ کے مطابق مرکزی وزیر داخلہ امت شاہ نے ہفتہ کو حیدرآباد کہا کہ8 سال کے بعد، مرکز میں بی جے پی کی قیادت والی حکومت جموں و کشمیر میں دہشت گردی کے واقعات، شمال مشرق میں شورش اور بائیں بازو کی انتہا پسندی پر قابو پانے میں کافی حد تک کامیاب رہی ہے۔یہاں سردار ولبھ بھائی پٹیل نیشنل پولیس اکیڈمی میں انڈین پولیس سروس (آئی پی ایس) کے پروبیشنرز کے 74ویں بیچ کی پاسنگ آو¿ٹ پریڈ سے خطاب کرتے ہوئے مرکزی وزیرداخلہ امت شاہ نے کہا کہ ہندوستانی سرکاری ایجنسیوں کی قیادت میں پورے ملک میں پولیس فورس نے آپریشن کیاجبکہ پاپولر فرنٹ آف انڈیا (PFI) جیسی تنظیم کےخلاف ایک ہی دن میں کامیاب آپریشن کیاگیا۔انہوں نے کہا کہ 8سالوں کے بعد حکومت جموں و کشمیر میں دہشت گردی کے واقعات، شمال مشرق میں شورش اور بائیں بازو کی انتہا پسندی پر قابو پانے میں کافی حد تک کامیاب رہی ہے۔مرکزی وزیرداخلہ امت شاہ نے نے مزید کہا کہ حال ہی میں پاپولر فرنٹ آف انڈیا پر پابندی لگا کر ہم نے دنیا کے سامنے ایک کامیاب مثال پیش کی ہے۔انہوںنے کہاکہ یہ ظاہر کرتا ہے کہ جمہوریت کے تئیں ہماری وابستگی کتنی مضبوط اور مضبوط ہو گئی ہے۔ وزیرداخلہ امت شاہ نے مزید کہا کہ دہشت گردی کے خلاف زیرو ٹالرنس، انسداد دہشت گردی کے قوانین کے مضبوط فریم ورک اور ایجنسیوں کی مضبوطی اور پختہ سیاسی عزم کی وجہ سے دہشت گردی سے متعلق واقعات میں کمی آئی ہے۔انہوںنے کہاکہ جموں وکشمیر ہویاکہ شمالی مشرقی ریاستیں حالیہ برسوںمیں دہشت گردیاورانتہاپسندی کوکچلنے کیلئے روبہ عمل لائے گئے اقدامات کامیاب ثابت ہوئے ہیں ۔امت شاہ نے کہاکہ کچھ برس تک جہاں دہشت گردی اورانتہاپسندی یاپھرشورش کی وجہ سے ترقی کی رفتار تھم گئی تھی اورعام لوگوںکادم گھٹ رہاتھا،وہاں آج ترقی وخوشحالی کاسفر کامیابی کیساتھ جاری ہے اور لوگ بھی اب آزاد فضاءمیں سانس لے رہے ہیں۔امت شاہ نے کہا کہ گزشتہ7 دہائیوں کے دوران ملک نے کئی اتار چڑھاو¿ دیکھے ہیں اور داخلی سلامتی میں بھی کئی مشکل وقت دیکھے ہیں۔موصوف کے مطابق مشکل وقت میں 36000سے زائد پولیس اہلکاروں نے اپنی جانوں کا نذرانہ پیش کیا۔سردار ولبھ بھائی پٹیل نیشنل پولیس اکیڈمی میں انڈین پولیس سروس حیدرآباد میں منعقدہ دکشانت پریڈ میں166 آئی پی ایس آفیسر ٹرینیز اور بیرونی ممالک کے 29 آفیسر ٹرینیز سمیت کل195 آفیسر ٹرینیز نے حصہ لیا۔