سری نگر:۵۱، فروری:موسمی صورتحال میں بہتری کے بیچ بدھ کے روز کشمیراور وادی چناب (سرمائی زون)میں تمام سرکاری اور نجی کالج 50دنوں پرمحیط سرمائی تعطیلات کے بعددوبارہ کھل گئے ۔یاد رہے کشمیر وادی اور جموں صوبے کے سرمائی زون والے علاقوںمیں قائم کالجوںکو27دسمبر2022کوسرمائی تعطیلات کیلئے بندکیاگیاتھا،اورکالجوںکے دوبارہ کھلنے کی تاریخ 15فروری2023مقرر کی گئی تھی ۔جے کے این ایس کے مطابق کشمیر وادی اورجموں صوبے کے سرمائی زون والے علاقوںمیں 50روزہ سرمائی چھٹیوں کے بعد جب بدھ کوکالج دوبارہ کھل گئے توکالجوں میں کافی جوش وخروش دیکھنے کوملا،اورخاص کروہ طلباءاورطالبات کافی پُرجوش اورخوش نظرآرہے تھے ،جنہوںنے 12ویں جماعت پاس کر کے پہلی مرتبہ کالجوںمیں قدم رکھا۔سری نگرسمیت کشمیر کے سبھی10اضلاع کے علاوہ جموں صوبے کے سرمائی زون والے علاقوںمیں قائم کالجوںمیں طویل سرمائی تعطیلات کے بعدآنے والے طلباءاور طالبات ایک دوسرے کودیکھ کر کافی خوش نظرآئے اوراُنھیں ایک دوسرے سے بغلگیر ہوتے بھی دیکھاگیا۔شہر سری نگر کے مولاناآزادروڑ پر واقع ایس پی کالج اورزنانہ کالج میں بھی کچھ ایسا ہی پڑجوش ماحول نظرآیا،جہاں طلباءاور طالبات بدھ کی صبح قطاردرقطار کالجوںمیں داخل ہورہے تھے ۔امر سنگھ کالج کی ایک طالبہ نے کہا کہ میں آج کالج میں شامل ہو کر بہت خوش ہوں اور ایک طویل عرصے کے بعد اپنے ہم جماعتیوں کے ساتھ بات چیت کرﺅں گی۔انہوں نے کہا کہ میں موسم سرما کی تعطیلات کے بعد کالج میں داخل ہونے کےلئے پرجوش محسوس کر رہی ہوں۔ مولانا آزاد روڈ پر واقع خواتین کالج کی ایک طالبہ نے کہاکہ موسم کی صورتحال میں بہتری کے درمیان سردیوں کی طویل چھٹیوں کے بعد اپنے دوستوں اور ہم جماعتوں سے ملاقات کرکے کافی خوشی محسوس ہوئی۔امر سنگھ کالج کے طالب علم سرفراز حسین کالج کے پہلے دن تدریسی عملے اور اپنے دوستوں کے ساتھ بات چیت کرتے ہوئے خوشی محسوس کر رہے تھے۔ انہوں نے کہا کہ50 دن کی سرمائی چھٹیوں کے دوران میں نے اپنے اساتذہ،ہم جماعتیوں اور کالج کو یاد کیا۔امر سنگھ کالج کے پرنسپل بشیر احمد راتھر نے کہا کہ موسم سرما کی تعطیلات کا دورانیہ نان ووکیشنل سٹاف کےلئے ایک مصروف دور رہا کیونکہ پہلے سمسٹر کے امتحان کلسٹر یونیورسٹیوں کے حلقہ کالجوں کےلئے منعقد کئے گئے جنہوں نے گزشتہ سال جون جولائی میں داخلہ لیا تھا۔انہوں نے کہا کہ پہلے سمسٹر اور تیسرے سمسٹر کا بیک لاگ بھی موسم سرما کی تعطیلات کے دوران کیا گیا تھا۔پرنسپل بشیر احمد راتھر نے کہا کہ امتحانات کے وقت پر انعقاد کا مقصد مزید پڑھائی شروع کرنے کےلئے وقت پر کلاس کا کام شروع کرنا ہے۔انہوں نے کہا کہ کالج میں آج5ویں سمسٹر کی تیاری کے لیے کلاس ورک شروع ہو گیا ہے۔ موصوف پرنسپل نے کہا کہ پہلے سمسٹر کے ہنر کا امتحان 20 سے 22 فروری تک شروع ہوگا اور ان طلباءوطالبات کا کلاس ورک 23 فروری سے شروع ہوگا۔انہوں نے مزید کہا کہ اسی طرح تیسرے سمسٹر کے امتحانات20 فروری کو ختم ہوں گے اور 21 فروری سے ان کی کلاسز کا باقاعدہ آغاز ہو جائے گا۔پرنسپل بشیر احمد راتھر نے کہا کہ کالج کے تمام فیکلٹی ممبران بشمول اسپورٹس سٹاف نے اپنی ڈیوٹی دوبارہ شروع کر دی ہے اور وہ اپنے روزمرہ کے تعلیمی کورس کو انجام دینے کے لیے پرجوش ہیں اور طلباءبھی موسم سرما کی تعطیلات کے بعد دوبارہ پڑھائی شروع کرنے پر خوش ہیں۔اُدھر بڈگام ،گاندربل ،بارہمولہ ،بانڈی پورہ ،کپوارہ ،پلوامہ ،کولگام ،شوپیان اور اننت ناگ اضلاع میں قائم کالج بھی بدھ کوطویل سرمائی تعطیلات کے بعددوبارہ کھل گئے ۔ایک دوسرے کو8ہفتوں کے بعد بالمشافہ دیکھ کر طلباءاورطالبات ایک دوسرے سے پُرجوش
