ایڈیشنل ڈپٹی کمشنر ہندواڑہ نذیر احمد میر نے آج اِنٹرنیشنل ریڈ کراس دِن کے موقعہ پر انوائرمنٹ ہال ہندواڑہ میں خون کے عطیہ کیمپ کا اِفتتاح کیا۔ کیمپ کا اِنعقاد اِنڈین ریڈکراس سوسائٹی نے ضلع اِنتظامیہ ، فوج اور پولیس کے اِشترک سے کیا تھا۔ اِس موقعہ پر چیئرمین بی ڈی سی لنگیٹ ، ٹاﺅن کمانڈر اور ایس ایچ او ہندواڑہ موجود تھے۔خون کے عطیہ کیمپ کے دوران اے ڈی سی ہندواڑہ ، چیئرمین بی ڈی سی لنگیٹ ، ایس ایچ او ہندواڑہ ، فوج کے دستوں ، پولیس اہلکاروں اور میڈیا اَفراد نے اَپنا خون عطیہ کیا۔اے ڈی سی نے اِس اقدام کو سراہتے ہوئے کہا کہ اِس طرح کے پروگرام وقت کی ضرورت ہےں اور قیمتی جانوں کو بچانے کے لئے ہر ایک کو خون کا عطیہ دے کر مدد کے لئے آگے آنا چاہیے۔کپواڑہ میں امورِ نوجوان و کھیل کود محکمہ نے بوائز ہائیر سکینڈری سکول کپواڑہ میں ایک بیداری پروگرام کا اِنعقاد کیا جس میں طلباءکی کثیر تعداد نے شرکت کی۔دورانِ پروگرام مقررین نے ریڈکراس کے عالمی دِن کی اہمیت پر روشنی ڈالی جو تمام لوگوں کے درمیان باہمی افہام تفہیم ، دوستی ، تعاون اور دیرپا اَمن کو فروغ دیتا ہے۔