سری نگر:۹،مئی: : جموں وکشمیراسٹیٹ حج کمیٹی کے ایگزیکٹو آفیسر ڈاکٹر عبدالاسلام میر نے منگل کو کہاکہ اگلے 2یا3دنوںمیں عازمین حج کی سعودی عرب روانگی اوروہاں سے واپسی کاشیڈول جاری کیاجائے گا۔جے کے این ایس کے مطابق جموں وکشمیراسٹیٹ حج کمیٹی کے ایگزیکٹو آفیسرنے کہاکہ حج کمیٹی آف انڈیا کیساتھ مشاورت جاری ہے اورآنے والے دنوں میں جموں وکشمیرکے تعلق رکھنے والے منتخب عازمین کی سعودی عرب روانگی اور واپسی اوروہاں سے واپسی کاشیڈول جاری کیاجائے گا۔ایک سوال کے جواب میں ڈاکٹر عبدالاسلام میرنے یہ واضح کیاکہ حج کمیٹی آف انڈیا نے تیسری قسط کی صورت میں جتنی رقم جمع کرانے کوکہا ہے ،عازمین کو اُتنی رقم جمع کرانی ہوگی ۔انہوںنے کہاکہ حج کمیٹی آف انڈیا نے حج2023کیلئے منتخب عازمین کو جتنی رقم ادایا جمع کرانے کوکہاہے ،اُتنی رقم جمع کرانی ہوگی ۔قابل ذکر ہے کہ امسال جموں وکشمیر اورلداخ سے تعلق رکھنے والے 10ہزار سے زیادہ عازمین فریضہ حج کی ادائیگی کیلئے سری نگر ہوائی اڈے سے الگ الگ تاریخوں پر روانہ ہونگے ۔یہاں یہ بات بھی قابل ذکر ہے کہ جموں و کشمیر حج کمیٹی کی چیئرپرسن سفینہ بیگ کے 11 فروری 2023کوکئے گئے اعلان کہ اس سال جموں وکشمیرکے عازمین حج کیلئے حج2023 تقریباً 80ہزار روپے سستا ہو گا اور اس سال عازمین کوفی کس زیادہ سے زیادہ 3لاکھ 50ہزار سے 3لاکھ70ہزار روپے ادا کرنے ہوں گے،کے بالکل برعکس عارضی حج کی رقم کااعلان کیاہے ،جو جموں وکشمیرکے عازمین حج کیلئے فی کس3لاکھ95ہزار20روپے بنتی ہے ۔جموں و کشمیر حج کمیٹی کی چیئرپرسن سفینہ بیگ نے یہاں ایک پریس کانفرنس سے خطاب کرتے ہوئے کہا تھاکہ حج کمیٹی آف انڈیا اور سعودی حکومت کے درمیان گفت و شنید کے بعد اس سال حج کو سستا کر دیا گیا ہے۔ چیئرپرسن سفینہ بیگ کاکہناتھاکہ ہمارے اندازوں کے مطابق جموں وکشمیر سے تعلق رکھنے والے عازمین کیلئے حج 2023،80ہزار روپے سستا ہوگا۔ موصوفہ کامزیدکہناتھاکہ ہر عازمین حج جو بصورت دیگر 4 لاکھ50ہزار روپے ادا کرنے تھے، اُسے اب3لاکھ 50ہزار سے 3لاکھ70ہزار روپے ادا کرنے ہوں گے۔حج کمیٹی آف انڈیا نے ملک کے مختلف یعنی22شہروںمیں واقع ہوائی اڈوں سے امسال روانہ ہونے والے عازمین کی جانب سے اداکی جانے والی عارضی حج کی رقم کااعلان کیاہے۔حج کمیٹی آف انڈیا کی جانب سے6مئی2023کو جاری کئے گئے سرکیولر بعنوان”حج 2023 کے لیے منتخب عازمین حج کی ادائیگی کی رقم“میں ملک کے مختلف یعنی22شہروںمیں واقع ہوائی اڈوں سے امسال روانہ ہونے والے عازمین کی جانب سے اداکی جانے والی عارضی حج کی رقم کاخلاصہ کیاگیا ہے ۔جسکے مطابق سب سے زیادہ رقم اداکرنے والے عازمین میں جموں وکشمیر کے عازمین دوسرے نمبر پر ہیں جبکہ بہار کے شہر گیاکے ہوائی اڈے سے روانہ ہونے والے عازمین کو سب سے زیادہ رقم یعنی4لاکھ321روپے اداکرنے ہونگے ۔جہاں تک جموں وکشمیر سے تعلق رکھنے والے عازمین کاتعلق ہے توانہوںنے ملک کے باقی عازمین کی طرح ہی پہلے ہی دوقسطوںمیں2لاکھ51ہزار 800روپے جمع کرائے ہیں ،اوراب ملک کے دوسرے عازمین کی طرح ہی جموں وکشمیرکے عازمین حج کو 15مئی 2023تک تیسری اور آخری قسط اداکرنی ہے ۔تیسری قسط کی صورت میں جموں وکشمیر کے عازمین (جن کی تعداد10ہزار کے لگ بھگ ہے ) کوایک لاکھ43ہزار220روپے جمع یاڈیپازٹ کرنے ہیں ،اس طرح سے جموں وکشمیرکے عازمین امسال فی کس 3لاکھ95ہزار20روپے جمع کرائےں گے ،جو حج2022کے مقابلے میں صرف55ہزار روپے کم ہے
