سری نگر:۰۲، مئی:چیف سیکریٹری ڈاکٹر ارون کمار مہتا نے ہفتہ کویہاں آن لائن پلیٹ فارم امنگUmang اور ڈیجی لاکرDigi-Locker کےساتھ سرکاری محکموں کی جانب سے پیش کی جانے والی مختلف خدمات کے انضمام کا آغاز کیا۔اس لانچ ایونٹ میں جو لوگ موجود تھے، ان میں کمشنر سیکرٹری جی اے ڈی،کمشنر سیکرٹری آئی ٹی،سیکرٹری صحت اور کئی دیگر متعلقہ افسران و اہلکاران ل ہیں ۔جے کے این ایس کے مطابق اس موقع پر چیف سیکریٹری ڈاکٹر ارون کمار مہتا نے یاد دلایا کہ پچھلے 2 سالوں میں جموں وکشمیر نے ڈیجیٹل تبدیلی کی طرف بڑی پیشرفت کی ہے اور مشن موڈ میں’ڈیجیٹل جموں و کشمیر‘پروگرام شروع کیا ہے جس کا مقصد اپنے شہریوں کو ان کے گھروں میں معیاری خدمات کی فراہمی کے ذریعے بااختیار بنانا ہے۔ڈاکٹر ارون کمار مہتا نے’بدعنوانی کے خلاف زیرو ٹالرنس‘ اور سرکاری دفاتر کے دورے کی ضرورت کے بغیر دہلیز پر تمام G2C خدمات کی فراہمی کے حکومتی عزم کا اعادہ کیا۔ انہوں نے ایک ہی جگہ پر خدمات تک رسائی کو آسان بنانے کی ضرورت پر زور دیا۔ چیف سیکریٹری ڈاکٹر مہتا نے ان اقدامات کو عام لوگوں کی حقیقی بااختیاریت قرار دیا کیونکہ یہ انہیں دنیا کے کسی بھی حصے سے خدمات تک بلا روک ٹوک اور 24گھنٹے رسائی فراہم کریں گے۔ انہوں نے متعلقہ محکمہ کو مشورہ دیا کہ وہ اس رفتار کو جاری رکھے تاکہ عام لوگوں کی آسانی کے لیے تمام خدمات ان پلیٹ فارمز کے ساتھ مربوط ہو جائیں۔ چیف سیکریٹری نے RAS کے ساتھ تمام خدمات کے انضمام اور عوام کو معیاری اور بروقت فراہمی کے لئے آٹو اپیل پر بھی اصرار کیا۔ڈاکٹر مہتا نے کہا کہ جہاں تک سرکاری دفاتر کو جیب میں لے جانے کا تعلق ہے توUMANG کو ایک ماسٹر ایپلی کیشن کے طور پر کام کرنے کا تصور کیا گیا ہے، جو موبائل پلیٹ فارم پر مختلف شعبوں کی اہم سرکاری خدمات کو مربوط کرتا ہے اور اس طرح ان آلات کو پورٹیبل دفاتر میں تبدیل کرتا ہے۔انہوںنے کہاکہ یہ ایپلی کیشن صارفین کو ای گورنمنٹ سروسز تک رسائی کے قابل بناتی ہے اور تصدیق شدہ سرکاری خدمات حاصل کرنے کے لیے ایک اسٹاپ حل کی سہولت فراہم کرتی ہے۔ جموں و کشمیر کی 31 خدمات کو شامل کیا گیا ہے اور 11 مرکزی خدمات (اے آئی سی ٹی ای، بی بی پی ایس، میرا راشن اور واہن) بھی جموں و کشمیر کے شہری استفادہ کر سکتے ہیں۔چیف سیکریٹرینے کہاکہ امنگ ایپ کے ساتھ ضم ہونے والی 6خدمات میں پاور ڈیولپمنٹ ڈیپارٹمنٹ کی جانب سے پیش کی جانے والی خدمات یعنی نیا کنکشن، نام کی تبدیلی، ملکیت کی تبدیلی، زمرہ کی تبدیلی اور ٹریک اسٹیٹس شامل ہیں ۔انہوںنے کہاکہ مختلف محکموں کی طرف سے پیش کی جانے والی بارہ خدمات کو آن لائن پلیٹ فارم Digi-Locker کے ساتھ مربوط کیا گیا تھا۔ ان میں محکمہ صحت کی 2 خدمات شامل ہیں جیسے عمر کا سرٹیفکیٹ، فٹنس سرٹیفکیٹ، محکمہ ریونیو کی2 خدمات یعنی ریکارڈ آف رائٹس و پی ایس پی سرٹیفکیٹ اور 8خدمات ہاو¿سنگ اینڈ اربن ڈیولپمنٹ ڈیپارٹمنٹ کی یعنی دکانوں اور کمرشل اسٹیبلشمنٹ کا رجسٹریشن سرٹیفکیٹ، میونسپل لمیٹ سرٹیفکیٹ، تجارتی میلے کی اجازت، موبائل ٹاور کی اجازت، اسٹریٹ وینڈر لائسنس، ڈیری لائسنس، کاٹنے کی اجازت اور پالتو کتے کی رجسٹریشن کا سرٹیفکیٹ۔آئی ٹی کے ان اقدامات کے بارے میں کہا گیا کہ ڈیجیٹل جموں و کشمیر کا وژن عوامی خدمات کی فراہمی میں کارکردگی، تاثیر، شفافیت اور مساوات کو بڑھانا ہے جس کے ذریعے شہریوں کو بااختیار بنانا، ڈیجیٹل اور ابھرتی ہوئی ٹکنالوجی کی طاقت کا فائدہ اٹھا کر عوام کی فلاح و بہبود کے لئے ہے۔
