سری نگر:۲۱،اگست : : جموں وکشمیرکے لیفٹنٹ گورنر منوج سنہا نے ہفتہ کے روز کہاکہ جموں و کشمیر کو وزیراعظم آواس یوجناگرامین کے تحت منظور شدہ 3.42 لاکھ میں سے تمام 3.39 لاکھ اہل مکانات کو منظوری دی گئی ہے۔انہوںنے کہاکہ ہم قطار میں کھڑے آخری آدمی کو بااختیار بنانا چاہتے ہیں،اوراسبات کویقینی بنانے کیلئے کوشاں ہیں کہ ہر خاندان امن اور خوشحالی کے فوائد حاصل کرے۔جے کے این ایس کے مطابق جموں وکشمیرکے لیفٹنٹ گورنر منوج سنہا نے ہفتہ کے روز سری نگر میں وزیراعظم آواس یوجناگرامین PMAY-Gکے تحت سماگرا،آواس ہم آہنگی کانفرنس میں شرکت کی۔انہوںنے اس موقعہ پرPMAY-Gکے مستفیدین کو 150 کروڑ روپے مالیت کی چکیں بصورت قسطیں جاری کیں۔اس موقعہ پر خطاب کرتے ہوئے لیفٹنٹ گورنر منوج سنہا نے کہاکہ عزت مآب وزیر اعظم جناب نریندر مودی جی کی رہنمائی میں، ہم جامع ترقی اور آخری میل تک پہنچنے کے لئے وقف ہیں۔انہوںنے کہاکہ ہم غریب خاندانوں کے سروں پر چھت فراہم کرنے کیلئے پرعزم ہیں ۔لیفٹنٹ گورنر منوج سنہا نے کہاکہ ہم بہتر اور باوقار زندگی گزارنے کے لئے اسکیموں کےساتھ مل کر فراہم کئے جانے والے فوائد قطار میں کھڑے آخری آدمی کو بااختیار بنانا چاہتے ہیں ۔لیفٹنٹ گورنر منوج سنہا نے کہاکہ ہم اپنے گاﺅں کو خود کفیل بنانا چاہتے ہیں تاکہ آتما نربھر جموں و کشمیر کے مقصد کو حاصل کیا جا سکے۔لیفٹنٹ گورنر نے کہاکہ جموں و کشمیر کو وزیراعظم آواس یوجناگرامین PMAY-Gکے تحت منظور شدہ 3.42 لاکھ میں سے تمام 3.39 لاکھ اہل مکانات کو منظوری دی گئی ہے اور ان میں سے1.74 لاکھ مکانات مستفیدین کے حوالےکئے گئے۔ لیفٹنٹ گورنر منوج سنہا نے کہاکہ وزیراعظم آواس یوجناگرامینPMAY-Gکے تحت بقیہ مکانات کی تعمیر کا کام31 مارچ2024 تک مکمل کیا جائے گا۔انہوں نے کہاکہ میرا بنیادی مقصد معاشرے کے پسماندہ طبقے کو پسماندہ ترقی کے چنگل سے آزاد کرانا ہے اور اس بات کو یقینی بنانا ہے کہ ہر خاندان امن اور خوشحالی کے فوائد حاصل کرے۔جموں وکشمیرکے لیفٹنٹ گورنر منوج سنہا نے کہاکہ بے زمینوں کےلئے زمین کے ساتھ، ہم نے معاش کو یقینی