بانہال :۲۱،ستمبر: : سری نگرجموں قومی شاہراہ پر منگل کی صبح بانہال علاقے میں ایک انتہائی دلدوز سڑک حادثے میں کولگام اوراننت ناگ اضلاع سے تعلق رکھنے والے4سگے بھائی لقمہ اجل بن گئے جبکہ اس حادثے میں چٹانوں سے ٹکرانے والی ایک ٹرک کے پرخچے اُڑگئے ۔جے کے این ایس کوملی تفصیلات کے مطابق جموں سے سری نگرکی جانب آرہی ایک ٹرک زیر نمبرJK03J-0312منگل کی صبح سری نگرجموں قومی شاہراہ پراُسوقت ایک بھاری بھرکم چٹان سے ٹکرانے کے بعد پھسل کر نالے میں جاگری ،جب شیربی بی سلیاڑ بانہال کے مقام پرنزدیکی پہاڑ سے اچانک پسیاں اور پتھر گرآنے کاسلسلہ شروع ہوگیا۔حادثے کی اطلاع ملتے ہی بانہال پولیس اور رضاکاروںنے بچاﺅ کارروائی شروع کردی ،اوربچاﺅ ٹیم کے اہلکار نالے میں اُس جگہ گئے ،جہاں ٹرک شاہراہ سے لڑھک کر گری تھی ۔ڈپٹی کمشنر رام بن نے کہاکہ ایک گاڑی مبینہ طور پر این ایچ 44 پر واگن بانہال کے مقام پر پتھر سے ٹکرا گئی۔ انہوںنے کہاکہ اس المناک حادثے میں جاں بحق ہونے والے 4افرادکی نعشوں کو برآمد کرکے ایس ڈی ایچ بانہال منتقل کر دیا گیا ہے۔حکام کے مطابق اس دلدوز سڑک حادثے میں جاں بحق ہونے والوں میں 42سالہ ڈرائیور محمد افضل گاڑو ولد عزیز گاڑومہلوک ڈرائیور کا بھائی36سالہ محمد الطاف گاڑوولد عزیز گاڑوساکنان ریڈوانی کولگام،33 سالہ عرفان احمدعبدالحمیدبٹ اور29 سالہ شوکت احمدولد عبدالحمیدبٹ ساکنان ٹریل سری گفوارا اننت ناگ شامل ہیں۔حکام نے بتایاکہ طبی وقانونی لوازمات مکمل کرنے کے بعد چاروں مہلوکین کی نعشوں کو لواحقین کے سپرد کیاگیا،اوروہ اپنے مہلوک عزیزوںکی نعشوں کو لیکر آبائی علاقوں کی جانب روانہ ہوگئے ۔دریں اثنا، بانہال کے کشتواڑی پاتھر میں لینڈ سلائیڈنگ کے بعد قومی شاہراہ کوبندکردیاگیا اور دونوں طرف سے ٹریفک کی آمد و رفت روک دی گئی ہے۔ٹریفک پولیس نے ایک ایڈوائزری جاری کی جس میں کہا گیا ہے کہ ہائی وے پر نقل و حرکت سے پہلے ٹریفک
