وادی کشمیرمیں پولیس یاد گاری دن کے حوالے سے متعدد تقریبات کا انعقاد

سری نگر21 اکتوبر،: وادی کشمیر میںجموںو کشمیر پولیس یاد گاری دن کے حوالے سے سنیچر کے روز متعدد تقریبات کا انعقاد کیا گیا ہے جہاں اپنے جانوں کا نذرانہ پیش کرنے والے اہلکاروںکوشاندار الفاظ میں خراج عقیدت کیا گیا۔اس دوران جموںو کشمیر کے ایل جی منوج سنہا نے کہا کہ قوم ہمارے پولیس اہلکاروں کی بہادری اور اعلیٰ قربانیوں کی ہمیشہ مقروض ہے میں ان بہادر اہلکاروں کو سلام پیش کرتا ہوں ۔کشمیر نیوز سروس ( کے این ایس ) کے مطابق پولیس یادگاری دن کے حوالے سے لیفٹیننٹ گورنر منوج سنہا نے سنیچر کے روز شہیدوں کی یادگار آرمڈ پولیس ہیڈکوارٹر زیون میں پولیس اور سی اے پی ایف کے شہید اہلکاروں کو خراج عقیدت پیش کیانمائندے کے مطابق کہ لیفٹنٹ گورنر نے کہا کہ "میں جموں کشمیر پولیس کے بہادروں کو سلام کرتا ہوں اور کہا کہ قوم ہمارے پولیس اہلکاروں کی بہادری، حوصلے اور اعلیٰ قربانیوں کی ہمیشہ مقروض رہے گی جنہوں نے ڈیوٹی کے دوران اپنی جانوں کا نذرانہ پیش کیا اور شہداءکو خراج عقیدت پیش کرنے کے لئے دو منٹ کی خاموشی اختیار کی گئی۔کے این ایس نمائندے کے مطابق کہ اس یاد گار تقریب میں آفتاب ملک چیئرمین ضلع ترقیاتی کونسل سرینگر ،راجیو رائے بھٹناگر، لیفٹیننٹ گورنر کے مشیر؛ آر کے گوئل، ایڈیشنل چیف سکریٹری محکمہ داخلہ اور دلباغ سنگھ، ڈی جی پی کے علاوہ سول اور پولیس انتظامیہ کے سینئر افسران نے بھی شہید پولیس اہلکاروں کو خراج عقیدت پیش کیا۔دن کے حوالے سے وادی بھرمیں تقریبات کا انعقاد کیا گیا ہے جہاں جاں بحق اہلکاروں کو خراج عقیدت پیش کیا گیا ہے ۔اس دوران جنوبی کشمیر کے ضلع پلوامہ۔پولیس ضلع اونتی پورہ ،بڈگام ،کے ساتھ ساتھ باقی اضلاع میں منعقد ہوئے ۔پولیس ضلع اونتی پورہ میں اس حوالے سے ایک بڑی تقریب منعقد ہوئی ہے جہاں پولیس لائنز میں یہ تقریب منعقد ہوئی ہے جس دوران یہاں جاں بحق اہلکاروں کو خراج عقیدت پیش کی گئی ہے جبکہ بعد میں یہاں شہداءمیموریل پر پھولوں کے مالا چڑھائے گئے ہیں ۔ تقریب میں تقریب میں ایس ایس پی اونتی پورہ اعجاز احمد زرگر،ایڈیشنل ایس پیڈی پی ایل ہلال خالق ،ایڈیشنل ڈپٹی کمشنر اونتی پورہ ظفر حسین شال،کے علاوہ پولیس ضلع کے تمام ایس ڈی پی اوزکے ساتھ ساتھ سیول سوسائٹی اراکین ،رٹائر پولیس افسران نے شرکت کی ہے ۔منعقدہ تقریب کے دوران ایس ایس پی نے مہلوک پولیس اہلکاروں کے لواحقین میں تحائف تقسیم کیے اور ن کے لواحقین کے شکایات کو بھی تحمل سے سنا اور انہیں یقین دلایا کہ جموں و کشمیر پولیس سے متعلق زیر التوا مسائل کو ترجیحی بنیادوں پر حل کرنے کے لیے کوشش کی جائے گی۔ادھر بڈگام میں بھی اسی طرح کی ایک تقریب منعقد ہوئی ہے ۔جبکہ وادی کے باقی اضلاع میں اسی طرح کے تقریبات کو منعقد کرنے کے اطلاعات موصول ہوئے جہاں ان اہلکاروں کو خراج عقیدت پیش کی گی۔