جموں /04 دسمبر2023ئلیفٹیننٹ گورنر منوج سِنہانے آج جموں کے دہلی پبلک سکول کی سلور جوبلی تقریبات میں شرکت کی۔اِس موقعہ پرلیفٹیننٹ گورنر نے اَپنے خطاب میں دہلی پبلک سکول کی اِنتظامیہ، اساتذہ اور طلباءکو مبارکباد دی۔اُنہوں نے کہا کہ مہاراجہ ہری سنگھ سوشل اینڈ ایجوکیشن فاو¿نڈیشن ٹرسٹ اور راجپوت چیئری ٹیبل ٹرسٹ کی دیکھ دیکھ اور سرپرستی میں معروف تعلیمی اِدارے نے نوجوان صلاحیتوں کے مستقبل کی تشکیل اور سماجی تبدیلی میں بے پناہ کردار ادا کیا ہے۔لیفٹیننٹ گورنر نے تعلیمی شعبے میں ہونے والی تبدیلیوں پر روشنی ڈالی اور کلاس روم لرننگ کے تصورات کو اَز سر نو تشکیل دینے کی ضرورت پر زور دیا۔اُنہو ں نے کہا ،”سکول مستقبل کے رہنماو¿ں کا گہوارہ اور تخلیقی صلاحیتوں، کردار سازی کا مرکز اور ہمارے معاشرے میں اَقدار کے نظام کو مضبوط کرنے کا ایک بنیادی ذریعہ ہے۔ آج ہمارے تعلیمی نظام کے سامنے اصل چیلنج کلاس روم سے باہر سیکھنے کو فروغ دینا اور زندگی کی مہارتیں فراہم کرنا ہے۔“لیفٹیننٹ گورنر نے تدریسی کمیونٹی اور تعلیمی اداروں پر زور دیا کہ وہ سیکھنے کے خلاکو پُر کرنے کے لئے قومی تعلیمی پالیسی کے مطابق بہترین طریقوں کو اَپنائیں۔اُنہوں نے کہا کہ قومی تعلیمی پالیسی نے سیکھنے کو بلند کرنے اور تنقیدی سوچ، تخلیقی صلاحیتوں، اِنفرادیت اور جستجو کو فروغ دینے کے لئے ایک سازگار ماحول پیدا کرنے کے بے پناہ امکانات فراہم کئے ہیں تاکہ ہمارے چھوٹے بچے نئی چیزیں سیکھ سکیں۔
لیفٹیننٹ گورنر منوج سِنہا نے سلور جوبلی تقریبات میں طلباءکی حوصلہ افزائی کی کہ وہ اَپنے جذبے کی پیروی کریں اور اَپنی صلاحیتوں پر یقین رکھیں۔
اُنہوں نے کہا،”اَپنے خوابوں کا پیچھا کرنا کبھی نہ چھوڑیں، ہمارے نوجوانوں کے لئے میرا پیغام ہے ہے کہ یہ معلوم کریں کہ آپ کو کیا کرنا واقعی پسند ہے، نئے اہداف حاصل کرنے کے لئے مسلسل کوشش کریں، اَپنے سب سے بڑے جذبے پر غور کریں اور کبھی بھی اپنے آپ پر بھروسہ کرنا نہ چھوڑیں۔
سابق وزیر اور راجپوت چئےری ٹیبل ٹرسٹ جموں و کشمیر کے صدر اجات شترو سنگھ نے لیفٹیننٹ گورنر کی حوصلہ افزا موجودگی اور متاثر کن خیالات کے لئے ان کا شکریہ ادا کیا۔ڈی پی ایس جموں کی پرو وائس چیئرپرسن ڈاکٹر ریتو سنگھ نے سماجی بہتری کے لئے شمولیت اور تکنیکی بااِختیاری کو فروغ دینے کے مقصد سے ’پروجیکٹ وردھی‘اور ’پروجیکٹ روشنی‘ جیسے اقدامات پر روشنی ڈالی۔اِس موقعہ پر لیفٹیننٹ گورنر نے بصارت سے محروم طلباءکو بااِختیار بنانے کے لئے وقف روشنی لیب کا اِفتتاح کیا۔اُنہوں نے این ایچ پی سی مصوری مقابلے کے فاتحین اور دیہی علاقوں سے تعلق رکھنے والی لڑکیوں کو بھی مبارکباد دی جنہوں نے ’وردھی‘پروجیکٹ کے تحت کمپیوٹر کی تعلیم پر بنیادی کورس کامیابی سے مکمل کیا۔
ڈی پی ایس جموں کے طلباءنے لیفٹیننٹ گورنر کو ڈرون ٹیکنالوجی کا اِستعمال کرتے ہوئے دریا کی صفائی کے اپنے کاروباری منصوبے پر ایک کتابی رپورٹ پیش کی۔اِس موقعہ پر ڈائریکٹر ڈی پی ایس جموںایس ایس سوڈھی، ڈی پی ایس جموں، ڈی پی ایس ایس ایم وی ڈی یو کٹرہ، ڈی پی ایس ناگبانی ، پرنسپل ، اساتذہ اور طلباءاور مختلف شعبہ ہائے زندگی سے تعلق رکھنے والی ممتاز شخصیات موجود تھیں۔
