سرینگر سرینگر جموں شاہراہ پر رامبن کے قریب ایک تویرا گاڑی8سو فٹ گہری کھائی میںجا گری جس کے نتیجے میں گاڑی میں سوار10افراد لقمہ اجل بن گئے ہیں ۔اس دوران واقعے کے فوراً بعد پولیس فوج،اور مقامی رضاکاروں می کی مدد سے انتہائی مشکلات کے بعد برآمد کئے گئے ہیں۔اس دوران جموںو کشمیر کے ایل جی منوج سنہا نے واقعے پر شدید دکھ اور افسوس کا اظہار کیا ہے ۔کشمیر نیوز سروس ( کے این ایس ) کے مطابق جمعہ کی صبح سویرے جموں سے سرینگر آرہی ایک تویرا گاڑی زیر نمبرJK12 8728ضلع رام بن میں بیٹری چشمہ کے قریب سڑک سے لڑک کر گہری کھائی میں جاگری جس کے نتیجے میں گاڑی میں سوار10افراد لقمہ اجل بن گئے اس واقعے کے بعد فوج پولیس سی آر پی ایف اور مقامی لوگ،کئی رضا کار رتنظیموں کے لوگوں نے یہاں ریسکیو آپریشن شروع کیا ہے آپریشن میں شامل لوگوں نے انتہائی مشکلات اور مسلسل بارشوں اور پہاڑی علاقہ ہونے کی وجہ سے درپیش مشکلات کے باجود تمام لاشوں کو شاہراہ پہنچنا کر بعد میں طبی معانئے کے لئے انہیں ہسپتال منتقل کیا گیا ۔ پولیس نے کہا، ”اب تک، 10 لاشیں گہری کھائی سے ملی ہیں اور انہیں منتقل کیا جا رہا ہے کیونکہ علاقہ سخت ہے اور مسلسل بارش ہو رہی ہے۔“انہوں نے بتایا تمام افراد کی شناخت کی جا رہی ہے تاہم انہوں نے مزید بتایا کہ پولیس نے بتایا کہ شناختی دستاویز کے مطابق بلوان سنگھ (47) ولد پورب سنگھ ساکنہ امب گھروٹہ جموں جو تویری گاڑی کا ڈارئیور تھا کے علاوہ ،،اندر جیت،ادیش پسران سومی ناتھ،رجن،کالش،سندیپ،راج کمار،رام بلاس،ہری ساکنان بہار کے طور کی ہے ۔لیفٹیننٹ گورنر منوج سنہا نے رامبن سڑک حادثہ میں جانی نقصان پر صدمے اور غم کا اظہار کیا ہے ایک تعزیتی پیغام میں، لیفٹیننٹ گورنر نے کہا، ”میں آج رامبن میں پیش آنے والے بدقسمت سڑک حادثے کے بارے میں جان کر گہرا صدمہ پہنچا ہوں، جس میں قیمتی جانیں ضائع ہوئیں۔ میں سوگوار خاندانوں سے دلی تعزیت کرتا ہوں۔ میں نے ضلعی انتظامیہ اور ڈویڑنل کمشنر کو ہدایات جاری کی ہیں کہ وہ متاثرین کے لواحقین کو ہر طرح کی مدد فراہم کریں، جیسا کہ اصول میں فراہم کیا گیا ہے۔مرکزی وزیر ڈاکٹر جتیندر سنگھ نے کہا کہ انہوں نے اس المناک سڑک حادثے کے بارے میں جاننے کے بعد ڈی سی رامبن، بصیر الحق سے بات کی جس میں جموں سری نگر قومی شاہراہ پر بیٹری چشمہ کے قریب ایک مسافر ٹیکسی گہری کھائی سے نیچے جاگری، جس سے جانی نقصان ہوا۔ادھر جموںو کشمیر کے تمام سیاسی جماعتوں نے اس دلخراش واقعے پر شدید دکھ اور افسوس کا اظہار کیا ۔
