سرینگرکے این ایس9جون: سری نگر میں قائم 15کور کے جنرل آفیسر کمانڈنگ (جی او سی)، لیفٹیننٹ جنرل راجیو گھئی نے اتوار کو کہا کہ سرحدوں پر صورتحال مستحکم ہے اور متعلقہ سیکورٹی ایجنسیاں حالات کو برقرار رکھنے کے لیے تمام اقدامات کر رہی ہیں۔کشمیرنیوز سروس ( کے این ایس ) کے مطابق راجیو گھئی نے کہا کہ سرحدوں پر صورتحال مستحکم ہے اور کشمیر میں حالات کو مستحکم رکھنے کے لیے تمام سیکورٹی ایجنسیاں اپنا کام احتیاط سے کریں گی۔وہ جنرل بپن راوت اسٹیڈیم بارہمولہ میں کارگل وجے دیوس منانے کے لیے منعقدہ تقریب کے موقع پر میڈیا سے بات کر رہے تھے۔جنوبی کشمیر کے پلوامہ ضلع میں حالیہ آپریشن پر جس میں لشکر طیبہ کے دو اعلیٰ کمانڈر مارے گئے، راجیو گھئی نے کہا کہ ہر کامیاب آپریشن سیکورٹی ایجنسیوں کے لیے ایک پیش رفت ہے۔غیر ملکی دہشت گردوں کے بارے میں ڈائرکٹر جنرل آف پولیس (ڈی جی پی) آر آر سوین کے بیان پر راجیو گھئی نے کہا: "غیر ملکی دہشت گردوں کی تعداد کے بارے میں ڈی جی پی نے جو کچھ بھی کہا وہ ایک حقیقت ہے اور متعلقہ سیکورٹی ایجنسیاں صورتحال سے نمٹنے کے لئے تیار ہیں”۔ہندوستانی فوج نے اتوار کو جنرل بپن راوت اسٹیڈیم بارہمولہ میں کارگل وجے دیوس منانے کے لیے ایک تقریب کا اہتمام کیا۔سری نگر میں قائم 15 کور کے جنرل آفیسر کمانڈنگ (جی او سی) لیفٹیننٹ جنرل راجیو گھئی اس موقع پر مہمان خصوصی تھے۔خیال رہے ڈی جی پی نے گزشتہ دنوں بتایا تھا کہ70سے80غیر ملکی ملی ٹینٹ یہاں موجود ہے۔ایک سوال کے جواب میں انہوں نے کہا کہ سرحدوں پر سیکورٹی صورتحال مستحکم ہے
