شوپیان/21اگست2024ئڈِسٹرکٹ شوپیاں کے الیکشن ایکس پنڈیچر اوبزرور نیلاپٹلا اشوک بابو نے آج شوپیاں کا دورہ کیا اور اِنتخابی اَخراجات کی نگرانی سمیت ضلع میں اِنتخابی تیاریوں کے بارے میں نوڈل افسروں کے ساتھ ایک جائزہ میٹنگ کی صدارت کی۔ ابتداً ، ڈِسٹرکٹ الیکشن آفیسر شوپیاں فضل الحسیب نے اَخراجات کی نگرانی کرنے والی ٹیموں جیسے فلائنگ سکارڈ، سٹیٹک سرویلنس، ویڈیو دیکھنے والی ٹیموں کے کام کرنے کے ساتھ ساتھ ڈِسٹرکٹ الیکشن کنٹرول روم، ڈِسٹرکٹ الیکشن مینجمنٹ پلان، ایم سی ایم سی، سویپ سرگرمیوں، سیکورٹی اور دیگر متعلقہ اِنتخابی مسائل کے حوالے سے اَخراجات کی نگرانی کرنے والی ٹیموں کے کام کے بارے میں ایکس پنڈیچراوبزرور کو جانکاری دی ۔اُنہوں نے بتایا کہ شوپیاں اور زینہ پورہ کے دونوں اسمبلی حلقوں میں اَخراجات کی نگرانی پر نظر رکھنے کے لئے ٹیمیں تعینات کی گئی ہیں۔ اُنہوں نے کہا کہ آزادانہ اور منصفانہ انداز میں اِنتخابات کے پُرامن اِنعقاد کے لئے تمام لاجسٹک، میٹریل، سیکورٹی، اَفرادی قوت اور دیگر انتظامات کئے جائیں گے۔
اِس موقعہ پر ایکس پنڈیچر اوبزرورنے تمام سیاسی جماعتوں کو اَخراجات سے متعلق ریکارڈ کی دیکھ ریکھ کے بارے میں حساس بنانے پر زور دیا اور ہدایت دی کہ فیلڈ ٹیموں کی طرف سے کسی بھی غیر قانونی لین دین پرکڑی نظر رکھیں اور سوشل میڈیا ، پیڈ نیوز اور اِنتخاب لڑنے والے اُمیدواروں کے اکاو¿نٹس کی مناسب مینٹیننس پر نظر رکھیں۔
اُنہوں نے سویپ کی سرگرمیوں کو بڑھانے ، ووٹر ٹرن آﺅٹ بڑھانے ، اِنتخابی عمل اور ووٹنگ میں نوجوانوں کی شرکت کو بڑھانے اور اَخراجات کی نگرانی پر ضروری نگرانی رکھنے کے لئے آئی ٹی سافٹ ویئر اور ہارڈ ویئر کو اِستعمال کرنے پر بھی توجہ مرکوز کی۔
بعد میں اوبزرورنے منی سیکرٹریٹ میں سٹرانگ روموں، ڈسپیچ اینڈ رسید سینٹر کا دورہ کیا اور اِنتظامات کا جائزہ لیا۔
اِس کے بعد اُنہوں نے کیگام اور حرمین کا دورہ کیا اور وہاں تعینات فلائنگ سکارڈ کے ارکان سے بات چیت کی تاکہ کسی بھی خلاف ورزی پر ضلع میں داخل ہونے والی گاڑیوں کی آواجائی کو چیک کیا جاسکے۔
میٹنگ میں ایس ایس پی عنایت علی، اے ڈِی سی ڈاکٹر ناصر احمد لون ، اے ڈِی سی ڈاکٹر ذاکر حسین فاض، آر اوز، نوڈل افسران، ضلع شوپیاں کے اے آر اوز اور دیگر عملے نے بھی شرکت کی۔
