وعدہ پورا ہوا، لیکن لڑائی یہیں نہیں رکتی:آغا روح اللہ

سرینگر//کے این ایس//6نومبر سری نگر حلقہ سے ممبر پارلیمنٹ آغا روح اللہ مہدی نے بدھ کو کہا کہ عمر عبداللہ کی قیادت والی حکومت نے جموں و کشمیر قانون ساز اسمبلی میں خصوصی حیثیت سے متعلق قرارداد پیش کرنے کا اپنا وعدہ پورا کیا ہے۔کشمیر نیوز سروس ( کے این ایس ) کے مطابق سید روح اللہ مہدی، جو آج ایوان میں ہونے والی کارروائی کے دوران بھی موجود تھے، نے صحافیوں کو بتایا کہ وہ قرارداد پیش کرنے پر عمر کی زیرقیادت حکومت کے شکر گزار ہیں، تاہم، انہوں نے کہا، ”لڑائی یہیں نہیں رکے گی۔انہوں نے بی جے پی سے یہ بھی کہا کہ "اسپیکر کے بارے میں حکومت کو خطبہ نہ دیں۔ ہم نے دیکھا ہے کہ پارلیمنٹ میں اسپیکر ہمارے ساتھ کیسا سلوک کرتے ہیں۔