سید اعجاز
ترال//بس اسٹینڈ ترال میں فوج کے42راشٹریہ رائفلز کی جانب سے اپنی نوعیت میں پہلی بار یوم جمہوریہ کے سلسلے میں ایک بڑا پروگرام منعقد کیا ہے جس میں مختلف سرکاری محکموں کے ملازمین ،عام لوگوں نجی و سرکاری سکولوں میں زیر تعلیم بچوں پولیس فوج اور سیول انتظامیہ کے افسران اور اہلکاروں نے شرکت کی ہے ۔منعقدہ پروگرام کے موقعے پر عام شہریوں نے قومی پرچم لہرایا ۔تقریب کو منعقد کرنے کے لئے گزشتہ روز ہی تیاری مکمل کر کی تھی اور پروگراموں کو پیش کرنے کے لئے ایک سٹیج تیار کیا گیا تھا ۔76ویں یوم جمہوریہ کے سلسلے میں یہاں بچوں نے الگ الگ تمدنی اور دیش بھگتی پروگراموں کو پیش کیا ہے ۔یہ35سال سے زیادہ عرصے میں پہلا موقعہ ہے جن ترال کے مین چوک میں یوم جمہوریہ کے سلسلے میں کوئی پروگرام منعقد کیا گیا ہے ۔تقریب میں ایم ایل اے ترال رفیق احمد نائیک،اے ڈی سی ترال ایس وائی نقاش،42آر آر کے کمانڈنگ افسر کرنل میتھو ،ایس ڈی پی او ترال سہیل احمد ریشی ،علاوہ باقی محکموں کے افسران اور اہلکاروں کی بڑی تعداد بھی موجود تھے
