سرینگر 16 جولائی/ / جموں و کشمیر میں جاری بارشوں کے دوران محکمہ موسمیات نے تازہ پیش گوئی میں16اور17کے ساتھ ساتھ21سے23جولائی کو شدید بارشوں کے امکان کو ظاہر کیا ہے ۔ محکمہ کے ڈائر ایکٹر نے بتایا اس دوران یہاں فلیش فلڈ،آندھی اور تودے گر آنے کا امکان۔الرٹ کو مد نظر رکھتے ہوئے ڈپٹی کمشنر پلوامہ سمیت ،کئی ڈپٹی کمشنروں کی جانب سے ایڈوائزی جاری کی ہے ۔کشمیر نیوز سروس ( کے این ایس ) کے مطابق جموںو کشمیر میں گزشتہ تین روز سے محکمہ موسمیات کی پیش گوئی کے عین مطابق بارشوں کا سلسلہ وقفے وقفے سے جاری ہے ۔اس دوران بدھ کے روز محکمہ موسمیات نے ایک الرٹ جاری کیا جس میں انہوں نے بتایا آنے والے اگلے چند روز کے دوران شدید بارشوں ہوں گے جس دوران یہاں فلیش فلڈ،آندھی اور تودے گر آنے کی وارنگ جاری ہے ۔محکمہ کے سرینگر میں تعینات ڈائر ایکٹر ڈاکٹر مختار احمد نے جموں و کشمیر کے لیے آئندہ دنوں میں شدید موسمی صورتحال کی پیش گوئی کرتے ہوئے عوام اور انتظامیہ کو چوکس رہنے کی ہدایت دی ہے۔ محکمہ کے مطابق 16 اور 17 جولائی کے علاوہ 21 سے 23 جولائی کے دوران وادی کے بیشتر علاقوں میں وسیع پیمانے پر بارش کا امکان ہے، جس کے نتیجے میں اچانک سیلابی صورتحال پیدا ہونے، ندی نالوں میں طغیانی آنے اور مٹی کے تودے گر نے جیسے خطرات پیدا ہوسکتے ہیں۔بتایا کہ آنے والے دنوں میں مطلع عمومی طور پر ابر آلود رہے گا اور متعدد مقامات پر وقفے وقفے سے گرج چمک کے ساتھ بارش ہو سکتی ہے۔ انہوں نے کہا کہ 18 سے 20 جولائی کے دوران بھی مختلف علاقوں میں ہلکی بارشوں کے ساتھ ساتھ موسم عمومی طور بہتر ہی رہے گا ۔بدھ کے روز بھی وادی کشمیر میں میدانی و بالائی علاقوں میں جھم کر بارشیں ہوئی ہے جس کی وجہ سے اکثر میدانی علاقوں کی رابط سڑکیں زیر آب آگئیں۔ تاہم مسلسل بارشوں کی وجہ سے لوگوں خاص کر ماغ مالکان ،نے خوشی اور اطمنان کا اظہار کیا ہے ۔ادھر محکمہ موسمیات کی پیش گوئی اور خراب موسمی صورتحال کے پیش نظر ضلع ترقیاتی کمشنر پلوامہ سمیت دیگر کئی ڈپٹی کمشنروں کے دفاتر کی جانب سے اس حوالے سے باضابط طور ایڈوائزیاں جاری کی گئی ہے جس میں لوگوں خراب موسم کے دوران گھروں سے غیر ضروری طور نکلنے میں احتیاط کی اپیل کی ہے ۔انہوں نے دریاﺅں اور ندی نالوں کے کنارے مقیم کو ہدایت دی ہے کہ پانی کے قریب نہ جائے ۔جبکہ کشتی بانوں کو موسم دیکھ کر دریا کو پار کر یں ۔یہاں یہ بات قابل ذکر ہے کہ کشمیر وادی میں سخت خشک سالی اور شدید گرمی کے بعد بارشوں کا سلسلہ گزشتہ کئی روزسے جاری ہے جہاں جس کی وجہ سے لوگوں نے جھلسا دینی والی گرمی سے نجات پائی ہے ۔
