سرینگر 16 جولائی/ لداخ کے دراس گمری علاقے میں بدھ کی صبح ایک سڑک حادثے میںایک ٹیمپو گاڑی حادثے کا شکار ہوئی ہے جس کے نتیجے میں2مسافر ہلاک جبکہ 15دیگر زخمی ہوئے زخمیوں میں8کی حالت نازک بتائی جاتی ہے ۔پولیس نے اس حوالے سے ایک کیس درج کر کے مزید تحقیقات شروع کی ہے۔کشمیر نیوز سروس ( کے این ایس ) کے مطابق گر گل ضلع کے گمری دارس میں بدھ کے صبح 5بجے ایک ٹیمو گاڑی سڑک سے لڈھک کر گہری کھائی میںجاگری جس کے نتیجے میں گاڑی میں سوار17افراد شدید زخمی ہوئے جہاں بعد میں2 زخمیوں نے دم توڑ دیا ہے ۔حادثے کے حوالے سے اطلاع موصول ہونے کے ساتھ ہی مقامی انتظامیہ، فوج اور پولیس کی جانب سے فوری ریسکیو آپریشن شروع کیا گیا اور تمام زخمیوں کو سب سے پہلے سب ضلع اسپتال دراس منتقل کیا گیا۔ بعد ازاں تشویشناک حالت میں مبتلا زخمیوں کو ضلع اسپتال کرگل منتقل کر دیا گیا جہاں ان کا علاج جاری ہے۔پولیس نے بتایا گاڑی میں کل17افراد زخمی تھے جن میں دو لقمہ اجل بن گئے جبکہ دیگر15زخمیوں میں8کی حالت نازک بتائی جاتی ہے سبھی زخمی ہسپتالوں میں زیر علاج ہے ۔یہاں یہ بات قابل ذکر ہے گزشتہ24گھنٹوں کے دوران جموں و کشمیر میںڈوڈہ اور اونتی پورہ علاقوں میں12سے زیادہ لوگ سڑک حادثات میں لقمہ اجل بن گئے ۔
