سرینگر، 08 مارچ (جموں و کشمیر کے وزیر اعلیٰ عمر عبداللہ نے اتوار کو کہا کہ ان کی حکومت خواتین کو بااختیار بنانے، ان کے تحفظ اور وقار کو یقینی بنانے اور انہیں زندگی کے تمام شعبوں میں یکساں مواقع فراہم کرنے کے لیے پرعزم ہے۔عبداللہ نے خواتین کے عالمی دن پر خواتین کو مبارکباد دی، اور معاشرے میں ان کی طاقت، لچک اور شراکت کی تعریف کی۔کشمیرنیوز سروس ( کے این ایس ) کے مطابق،” وزیراعلیٰ کے دفتر نے X پر ایک پوسٹ میں کہا "خواتین کے عالمی دن کے موقع پر، وزیر اعلیٰ نے خواتین کو ان کی طاقت، لچک اور خاندانوں، برادریوں اور معاشرے کی تشکیل میں انمول شراکت کے لیے اپنی پرتپاک مبارکباد اور دلی تعریف کا اظہار کیا ہےپوسٹ میں کہا گیا کہ چیف منسٹر نے ان کی بااختیاریت، تحفظ، وقار اور زندگی کے تمام شعبوں میں مساوی مواقع کو یقینی بنانے کے لیے حکومت کے غیر متزلزل عزم کا اعادہ کیا۔اس دوران جموں و کشمیر پولیس نے بھی ایک سوشل میڈیا پوسٹ میں اس موقع پر خواتین کو مبارکباد دی۔واضح رہے 8مارچ کو ہر سال انٹرنیشنل ومننز ڈے کے طور پر منایا جاتا ہے اس حوالے سے ملک کے ساتھ ساتھ جموںو کشمیر میں بھی تقریبات کا اہتما ہوا ہے جس دوران سماج میں کواتین کے رو ل اجا گر کیا ہے ۔
