- سید اعجاز
سرینگر//دنیاکے باقی حصوں کے ساتھ ساتھ جموں وکشمیر میں بھی بدھ کے روز عید الضحیٰ کا تہوار عقیدت واحترام کے منایا گیا ہے ۔اس دوران وادی کے شہر و دیہات میں نماز عید کے بڑے بڑے اجتماعات منعقد ہوئی ہے۔بدھ کی صبح سویرے سے ہی عید گاہوں ،مساجد ،خانقاہوں صبح سویرے سے نماز عید ادا کرنے کا سلسلہ شروع ہوا ہے جو الگ الگ علاقوں میں مختلف اوقات کے دوران اختتام پزیر ہوا ۔اس موقعے پر علماءکرام نے قربانی کے فلسفے پر روشنی ڈالی ۔ ادھر جنوبی کشمیر کے سب ضلع ترال میں بھی نما زعید کے الگ الگ مناظر دیکھنے میں آئے ہیں ۔جبکہ چند ایک مقامات پر سکھ فرقے کے لوگوں کو مسلمانوں بھائیوں کو عید گاہ کے باہر مبارک باد دیتے ہوئے دیکھا گیا ۔ادھر کچھ علماءاور سیاسی لیڈران نے عید پیغامات اور تبلیغ میں بڈگام میں کمسن بچی کے دردناک قتل کی بھی شدید الفاظ میں مذمت کی ہے ۔عید الضحیٰ کے سلسلے میں مختلف سیاسی لیڈران لوگوں کو عید کے موقعے پر مبارک باد پیش کی ہے ۔
