کہلیل ترال میں راہ چلتے20 بھیڑیں مر گئیں

سید اعجاز
ترال//ترال کے سیر نامی گاﺅں سے تعلق رکھنے والا بلال احمد چوپان جمعرات کی شام بہلک کی طرف جار رہا ہے اس دوران جب وہ بھیروں کا جھنڈ لیکر کہلیل کے نذدیک پہنچ گیا تو اچانک 20کے قریب بھیڑ یہاں زمین پر گرے پڑنے کے ساتھ مرگئیں۔بلال احمد نے بتایا وہ شام کے وقت یہاں سے چل رہے تھے اور گاڑیوں کو سائیڈ دینے کے دوران انہوں نے دیکھا کچھ بھیڑ یہاں پر مر گئیں ۔چوپان نے بتایا کہ ہمیں لگتا ہے کہ یہاں باغ کے اندر کئی گئی دوا پاشی کے قطرے باہر والے گھاس پر گر ے اور وہ ہی گھاس بھیڑوں نے کھایا جس کی وجہ سے وہ مر گئے ۔اس واقعے کے فوراً بعد محکمہ شیپ کا پورا ٹیم یہاں پہنچا اور باقی بھیڑوں کو بچانے کے لئے اقدامات اٹھائے ۔محکمہ کے ملاز مین نے بتایا بھیڑ لمبی مسافت طے کر کے یہاں پہنچے تھے اور انہوں نے زیلی گھاس کھایا جس کی وجہ سے یہ حادثہ پیش آیا ۔انہوں نے بتایا لگتا ہے باغ کے اندر ہوئی دوا پاشی ہوئی جس کے قطرے دور دور تک جاتے ہیں اور یہی گھاس انہوں نے کھایا ۔محکمہ نے بتایا انہوں نے تمام بچاو کرنے والے اقدامات اٹھائے اور موقعے پر20بھیڑ ہلاک جبکہ دیگر کئی متاثر ہوئے۔