سرینگر 10 جون 2026 ئ چیف سیکرٹری مسٹر اتل ڈولو نے منشیات کے استعمال کے خلاف جنگ کو مضبوط بنانے اور متاثرہ افراد کی طویل مدتی بحالی کو یقینی بنانے کی سمت میں ایک اہم قدم میں منشیات کے استعمال کے متاثرین کیلئے ایک جامع بحالی اور سماجی و اقتصادی بحالی کے فریم ورک کو حتمی شکل دی ۔ مجوزہ فریم ورک پر ایک اعلیٰ سطحی میٹنگ کے دوران تفصیلی تبادلہ خیال کیا گیا کس میں ایڈیشنل چیف سیکرٹری خزانہ ، پرنسپل سیکرٹری ہوم ، کمشنر سیکرٹری محکمہ سماجی بہبود ، کمشنر سیکرٹری سکول ایجوکیشن ، سیکرٹری اسکل ڈیولپمنٹ ، ڈائریکٹر کالجز ، آئی ایم ایچ اے این ایس سرینگر کے سربراہ ، ایس آئی او ، این آئی سی اور دیگر متعلقہ افسران نے شرکت کی ۔ مجوزہ فریم ورک ایک مجموعی نقطہ نظر کواپناتے ہوئے روائتی سم ربائی اور علاج سے آگے بڑھنے کی کوشش کرتا ہے جس میں طبی دیکھ بھال ، مفسیاتی مدد ، تعلیم ، مہارت کی ترقی ، روز گار کے مواقع اور مسلسل نگرانی اور استحکام کو فروغ دینے کیلئے شامل کیا گیا ہے ۔ میٹنگ کے دوران چیف سیکرٹری نے حکومت کی طرف سے نشہ کی زیادتی کے بڑھتے ہوئے چیلنج سے نمٹنے کیلئے جامع حکمت عملی کا خاکہ پیش کیا تا کہ متاثرین میں سے ہر ایک کیلئے اس کی اپنی مرضی کے مطابق تقاضوں کے مطابق انفرادی بحالی کے منصوبوں ( آئی آر پیز ) پر مبنی مربوط علاج سے دوبارہ انضمام کے نقطہ نظر سے نمٹا جا سکے ۔
انہوں نے اس بات پر زور دیا کہ آئی ایم ایچ اے این ایس سرینگر اور ایک ضلع کے ذریعے ایک پائلٹ بنیاد پر فریم ورک کو فوری طور پر اپنایا جانا چاہئیے تا کہ آپریشنل چیلنجوں کی نشاندہی کی جا سکے اور اس ماڈل کو مرکز کے زیر انتظام علاقوں میں بڑے پیمانے پر لاگو کرنے سے پہلے اسے بہتر بنایا جا سکے ۔
مجوزہ طریقہ کار کی وضاحت کرتے ہوئے چیف سیکرٹری نے کہا کہ ہر نشے کے علاج کی سہولت ( اے ٹی ایف ) کو ایک باہمی تعاون کے نظام کے ذریعے کام کرنا چاہئیے جس میں محکمہ صحت کے تربیت یافتہ کونسلرز اور سائیکاٹرسٹ ایک آشا ورکر اور محکمہ سماجی بہبود کے ذریعہ نامزد ایک سماجی کارکن شامل ہوں ۔
انہوں نے کہا کہ آشا کارکن علاج کے پروٹوکول کو یقینی بنانے میں ایک اہم کردار ادا کرے گی تا کہ مستفیدین کو تجویز کردہ ادویات باقاعدگی سے لینے میں مدد فراہم کی جائے اور گھر کے دورے پر بروقت فالو اپ مشاورت کی سہولت فراہم کی جائے ۔
