کہلیل ناگہ بل ترال رابط سڑک:فنڈس واگزار8ماہ گزر جانے کے باوجود کام شروع نہیں کیا گیا

سید اعجاز
ترال//ترل کے کہلیل نامی گاﺅں سے ناگہ بل تک رابط سڑک گزشتہ سال منظور ہوئی اور فنڈس کی واگزاری کے باجود تا حال کام شروع نہیں کی گیا ہے جس پر مقامی آبادی نے شدید برہمی کا اظہار کیا ہے مقامی لوگوں نے بتایا انہیں دسمبر میں بتایا گیا ہے کہ موسم سرما کے دوران میکڈم کے بغیر باقی کام شروع کیا جائے گا تاہم8ماہ کا وقت گزر جانے کے باجود تا حال ایک معمولی ڈرین کاکام انجام دیا گیا ہے باقی سڑک کی حالت اب تک جوں کی توں ہے۔علاقے سے تعلق رکھنے والے لوگوں نے بتایا کہ انہیں اُمید تھی موسم بہار شروع ہونے کے ساتھ یہاں کام شروع کیا جائے گا اور جون میں میکڈم بچھایاجائے گا ۔انہوں نے کہا اب جون مہینے کے چند ہی دن باقی رہ گئے اور کام شروع نہیں کیا گیا ہے جس کی وجہ سے مقامی لوگ مسلسل رابط سڑک کی خستہ حالی کی وجہ سے مشکلات کا سامنا کر رہے ہیں ۔مقامی آبادی نے محکمہ آر ایند بی کے اعلیٰ حکام سے اپیل کی ہے سڑک پر گرمی کے ان ایام میں میکڈم بچھایا جائے تاکہ لوگوں کو اور زیادہ مشکلات کا سامنا نہ کرنا پڑے ۔