PRESS RELEASE
سرینگر: سابق اداکارہ، ماڈل اور سوشل میڈیا انفلوئنسر متینہ جیلانی نے آج اپنے ساتھیوں سمیت اپنی پارٹی میں با ضابطہ شمولیت اختیار کی۔ اس سلسلے میں پارٹی کے صدر دفتر سرینگر میں ایک تقریب کا اہتمام کیا گیا تھا، جس میں متینہ جیلانی اور ان کے ساتھیوں کا پارٹی سربراہ اور دیگر قائدین نے استقبال کیا۔
راجوار، ہندواڑہ سے تعلق رکھنے والی متینہ جیلانی اداکاری، ماڈلنگ اور سوشل میڈیا کے شعبے میں ایک معروف عوامی شخصیت ہیں۔ پارٹی میں اُن کا خیرمقدم کرتے ہوئے پارٹی قیادت نے اس اعتماد کا اظہار کیا کہ متینہ جیلانی کی شمولیت سے ان کے متعلقہ علاقے میں پارٹی کا تنظیمی ڈھانچہ مزید مضبوط ہوگا اور عوام کے درمیان پارٹی کی رسائی میں اضافہ ہوگا۔
متینہ جیلانی کا خیرمقدم کرنے والے پارٹی رہنماؤں میں پارٹی صدر سید محمد الطاف بخاری، پارٹی کی پارلیمانی امور کمیٹی کے چیئرمین محمد دلاور میر، جنرل سیکریٹری رفیع احمد میر، صوبائی صدر کشمیر محمد اشرف میر، ترجمان اعلیٰ و ریاستی سیکریٹری منتظر محی الدین، میڈیا ایڈوائزر فاروق اندرابی، صدر خواتین ونگ دلشاد شاہین، ضلع صدر کپوارہ راجہ منظور، سٹیٹ آرگنائزر و ترجمان ڈاکٹر ہربخش سنگھ، ترجمان عشرت بشیر بٹ، آرگنائزر وسطی کشمیر محمد شفیع میر، ضلع صدر سرینگر ظفر حبیب، صوبائی سیکریٹری کشمیر عبدالرشید بٹ، صوبائی سیکریٹری کشمیر شیرازہ ملک، صوبائی جوائنٹ سیکریٹری کشمیر عبدالرحمن وانی، ضلع نائب صدر بڈگام مختار احمد ڈار، یوتھ جوائنٹ سیکریٹری سرینگر مدثر ولی، تحسین فاروق، ڈاکٹر بلال، افروزہ خان، صبیحہ بٹ اور دیگر لیڈران شامل تھے۔
