سری نگر/ وزیر اعلیٰ عمر عبداللہ نے ضلع کٹھوعہ کے بختہ میں واقع تاریخی گوردوارہ چرن کمل صاحب کی جامع ترقی کے لئے 5.15 کروڑ روپے کے منصوبے کی منظوری دی ہے۔اِس منصوبے کے تحت ایک نیا لنگر ہال اورپرارتھنا ہال تعمیر کیا جائے گا۔اس کے علاوہ عقیدت مندوں کے لئے جدید شہری سہولیات بھی فراہم کی جائیں گی۔یہ اَقدام جموں و کشمیر میںزیارت گاہوں سے بنیادی ڈھانچے کو مزید مضبوط بنانے اور خطے کے ثقافتی اور روحانی ورثے کے تحفظ کی جانب ایک اور اہم قدم ہے۔
