سکینہ اِیتو نے گورنمنٹ میڈیکل کالج جموں کا دورہ کیا اور زخمی طالبات کی خیروعافیت دریافت کی

ڈاکٹروں کو چوبیس گھنٹے نگرانی اور بہترین ممکنہ طبی نگہداشت یقینی بنانے کی ہدایت
جموں/وزیر برائے صحت و طبی تعلیم، سماجی بہبود اور تعلیم محکمہ جات سکینہ اِیتو نے آج گورنمنٹ میڈیکل کالج (جی ایم سی) جموں کا دورہ کیا اور گزشتہ شام سڑک حادثے میں زخمی ہوئیں طالبات کی صحت کی صورتحال اور انہیں فراہم کئے جارہے علاج کا تفصیلی جائزہ لیا۔دورے کے دوران اُنہوں نے ہسپتال کے مختلف وارڈوں کا معائینہ کیا اور زخمی طالبات سے بات چیت کرکے ان کی خیرو عافیت ،علاج معالجے اور انہیں فراہم کی جانے والی سہولیات کے بارے میں دریافت کیا۔ اُنہوں نے ڈاکٹروں اور ہسپتال اِنتظامیہ سے بھی بات چیت کی اور ہر مریضہ کے زخمیوں کی نوعیت اور کو علاج کے طریقہ کار کے بارے میں تفصیلی جانکاری حاصل کی۔