آری پل ترال میں انسانی بستیوں میں بندروں کی موجودگی

سید اعجاز
آری پل// ترال کے تحصیل آری پل میں بندروں نے باغات اور کھیت میں فصلوں کو شدید نقصان پہنچا کر کسانوں اور باغ مالکان کو خون کے آنسوں رونے پر مجبور کر دیا ہے دوسری جانب متعلقہ محکمہ کی جانب سے کوئی موثر اقدام نہ اٹھانے کی وجہ سے مقامی لوگ پریشانیوں نے سے دو چار ہیں۔تفصیلات کے مطابق سب ضلع ترال کے تحصیل آری پل میں مقامی کسانوں کے ساتھ ساتھ عام لوگ بھی بندروں کی موجودگی سے شدید پریشانیوں کا سامنا کر رہے ۔مقامی لوگوں نے بتایاعلاقے میں چند سال سے لوگوں نے بہتر معیشت کے لئے موٹی رقم خرچ کر کے باغات کو تعمیر کیا ہے جبکہ بیشتر گاﺅں دیات میں مکی کی فصل پر ہی لوگ گزارہ کرتے ہیں تاہم بندروں نے علاقے میں ہر قسم کے فصلوں کو شدید نقصان پہنچا کر تباہ کیا ہے جس کی وجہ سے کسان پریشانیوں سے دو چار ہیں ۔ادھر کچھ خواتین نے بتایا بند رنہ صرف باغات کو
نقصان پہنچاتے ہیں بلکہ مکانوں کے چھتوں پر موجود اشیاءکو بھی تباہ کرتے ہیں جبکہ بچوں کو بھی کظرہ محسوس ہوتا ہے ۔تحصیل کی آبادی محکمہ وائلڈ لائف،مقامی تحصیلدرا اور ADCترال سے اس بارے میں مداخلت کی اپیل کی ۔