سر ی نگر/وزیر اعلیٰ عمر عبداللہ نے آج یہاں ’رابطہ‘ میں عوامی نمائندوں، صنعت کاروں اور صنعتی رہنماو¿ں سے ملاقات کی جس میں عوامی فلاح و بہبود، اِقتصادی ترقی، کاروباری ، تجارت اور سکل ڈیولپمنٹ سے متعلق مختلف مسائل پر تبادلہ¿ خیال کیا۔سابق ممبر قانون ساز اسمبلی ڈاکٹر چمن لال بھگت نے وزیر اعلیٰ سے ملاقات کی اور اَپنے علاقے سے متعلق اہم مسائل پر تبادلہ خیال کیا۔چیف ایگزیکٹیو آفیسر(سی اِی او)اوربانی یور سٹوری اور دی بھارت پروجیکٹ شردھا شرمانے جموں و کشمیر سٹارٹ اَپ اور اَنٹرپریرینیور شپ ایکو سسٹم ، اِختراع پر مبنی اَقدامات اور جامع اقتصادی ترقی کو فروغ دینے کے لئے حکومت کی کوششوں پر غور و خوض کرنے کے لئے وزیر اعلیٰ سے ملاقات کی۔صدرجموں چیمبر آف کامرس اینڈ اِنڈسٹری ارون گپتا بھی وزیر اعلیٰ سے ملاقی ہوئے اور جموں و کشمیر میں تجارت، کاروبار اور صنعتی ترقی سے متعلق امور پر تبادلہ خیال کیا۔منیجنگ ڈائریکٹر اور چیف ایگزیکٹیو آفیسر ( سی اِی او )انفینی ٹیک سروسز اینڈ سولیوشنز سیّد اویس احمد نے وزیر اعلیٰ سے ملاقات کی اور معروف عالمی ٹیکنالوجی کمپنیوں کے اِشتراک سے جموں و کشمیر میں صنعت کی قیادت میں سکل ڈیولپمنٹ اور اعلیٰ تعلیم سے متعلق اقدامات کی عمل آوری کے لئے تجاویز پیش کیں۔
