سری نگر7نومبر ,ک زعفران کے پھولوں کی چنائی کے موسم کے پیش نظر، آئی آئی کے ایس ٹی سی کے کام کاج اور دیگر اہم امور کا جائزہ لینے کے لیے انڈیا انٹرنیشنل کشمیر صافران ٹریڈنگ سنٹر، پامپور میں ڈویڑنل کمشنر کشمیر، وجے کمار بدھوری کی صدارت میں ایک اہم میٹنگ بلائی گئی۔کشمیر نیوز سروس کے مطابق اس میٹنگ میں ڈپٹی کمشنر پلوامہ، ڈاکٹر بشارت قیوم، ڈائریکٹر ہارٹیکلچر کشمیر، ڈائریکٹر ایگریکلچر کشمیر، ڈائریکٹر ہارٹیکلچر پلاننگ اینڈ مارکیٹنگ جموں و کشمیرکے، چیف انجینئر ایم ای ڈی اور ضلعی افسران سمیت اہم عہدیداروں اور اسٹیک ہولڈرز نے شرکت کی ہے۔اس دوران علاقے کے زعفران کے کاشتکاروں نے بھی اس اہم میٹنگ میں حصہ لیا، اور صنعت کی ترقی میں اپنی تجربات کی اہمیت کو مزید اجاگر کیا۔میٹنگ زعفران کے قومی مشن کی پیشرفت اور کامیابیوں اور زعفران کی پیداوار کو بڑھانے کے لیے اٹھائے گئے اقدامات پر تبادلہ خیال کیا۔ اور ساتھ ہی علاقے میں زعفران کے کاشتکاروں کے خدشات کو دور کیا گیا۔خیال رہے گزشتہ دنوں متعلقہ محکمے کی جانب سے منعقدہ زعفران مشن کے دوران لوگوں نے محکمے پر شدید برہمی کا،اظہار کرتے ہوئے محکمے پر مختلف نوعیت کے الزامات عائد کئے تھے۔ ڈائریکٹر ایگری کلچرکشمیر، چوہدری محمد اقبال نے زعفران کے قومی مشن کا ایک جامع جائزہ پیش کیا، جس میں زعفران کے معیار کو بہتر بنانے اور عمودی اور افقی دونوں طرح کی پیداوار بڑھانے میں اس کے اہم کردار پر روشنی ڈالی۔بحث کے دوران پامپور میں زعفران کے کاشتکاروں کی طرف سے اجاگر کیے گئے اہم پہلوو¿ں کا اچھی طرح سے جائزہ لیا گیا۔ ڈویڑنل کمشنرنے کسانوں کے ساتھ بات چیت کی ہے، ان کی تجاویز پر ہمدردانہ توجہ دی۔ مشن کے بارے میں تبادلہ خیال کرتے ہوئے، ڈویڑنل کمشنر نے افسران کو ہدایت دی کہ وہ فوری طور پر مکمل شدہ اثاثوں کو اپنے قبضے میں لیں اور مشن میں تصور کیے گئے تمام اجزائ کو مکمل کرنے کے لیے مزید کارروائی کے بارے میں تفصیلی رپورٹ پیش کریں۔مزید برآں، آپریشنل اور مینٹیننس سسٹمز پر ایک مضبوط توجہ مرکوز کی گئی، جس میں فارمر پروڈیوسر آرگنائزیشن (FPO) کے ذریعے کمیونٹی کی مضبوط شمولیت اور ملکیت کا مطالبہ کیا گیا۔ محکمہ زراعت اور MED کو ہدایت کی گئی کہ وہ فارمرز کلیکٹو کے ذریعے کمیونٹی کی ملکیت کو بااختیار بنانے اور اسے فعال کرنے کے لیے ضروری تربیت فراہم کریں۔ڈائریکٹر زراعت نے بتایا کہ زعفران پارک پیداوار پر بہترین منافع کو یقینی بنانے کے لیے ویلیو ایڈیشن اور کوالٹی کنٹرول کے لیے پوری طرح لیس ہے۔بعد ازاں ڈویڑنل کمشنر نے دسو پامپور میں SKUAST کے زعفران ریسرچ اسٹیشن سمیت فیلڈ کا دورہ بھی کیا۔اجلاس میں زعفران کی صنعت کی فلاح و بہبود اور ترقی کے لیے حکومت کے عزم پر زور دیا گیا، جس کا مقصد خطے میں زعفران کے کاشتکاروں کے لیے بہتر امکانات اور معاش کو یقینی بنانا ہے۔
