سری نگر7نومبر ,جموں و کشمیر بورڈ آف اسکول ایجوکیشن (جے کے بی او ایس ای) کا کہنا ہے کہ وہ سافٹ زونوں میں دسویں سے بارہویں جماعت کے سالانہ باقاعدہ امتحانات مارچ-2024کے پہلے ہفتے سے انعقاد کرے گا جبکہ بورڑ ہارڑ زونوں میں اپریل2024 کے دوسرے ہفتے سے دسویں سے بارہویں جماعت کے سالانہ امتحانات کا انعقاد کرے گا۔اس دوران جموں کشمیر بورڈ آف اسکول ایجوکیشن نے 2023-24کے تعلیمی سیشن کے تعلیمی کیلنڈر کو بھی مطلع کیا ہے جس میں اس نے امتحانی فارم جمع کرانے کی تاریخوں کو مطلع کیا ہے۔کے این ایس کے مطابق کہ جے کے بی او ایس ای کے ڈائریکٹر اکیڈمکس نے ایک بیان میں کہا ہے کہ دسویں جماعت کے سالانہ ریگولر امتحانات مارچ 2024 کے دوسرے ہفتے سے سافٹ زونوں میں منعقد کیے جائیں گے اور اسی طرح سافٹ زون میں گیارہویں جماعت کے سالانہ امتحانات مارچ کے آخری ہفتے سے شروع ہوں گے جبکہ بارہویں جماعت کے امتحانات بالترتیب مارچ 2024 کے پہلے ہفتے سے شروع ہوں گے۔جے کے بی او ایس ای نے مزید کہا کہ اپریل2024 کے دوسرے ہفتے سے جموں، کشمیر اور لداخ ڈویڑن کے ہارڑ زونوں کے امتحانات بالترتیب 10ویں اور 12ویں جماعت کے اور اپریل کے آخری ہفتے میں بورڑ گیارہویں جماعت کے امتحانات منعقد کرے گا۔جے کے بی او ایس ای کے مطابق، ہارڈ اور سافٹ دونوں زونز کے لئے وہ جون-2024کے تیسرے ہفتے میں دسویں جماعت کے امتحانات کے نتائج جون کے آخری ہفتے میں گیارہویں جماعت کے نتائج اور جون کے دوسرے ہفتے میں بارہویں جماعت کے امتحانات کے نتائج کا اعلان کرے گا۔قابل ذکر بات یہ ہے کہ بورڈ آف اسکول ایجوکیشن نے جموں و کشمیر کے دونوں ڈویڑنوں میں ایسے 444اسکولوں کی نشاندہی کی تھی جن کے سالانہ باقاعدہ امتحانات مارچ کے بجائے اپریل کے مہینے میں منعقد کرنے کا فیصلہ کیا تھا۔اس کے علاوہ بورڈ نے مرکز کے زیر انتظام علاقہ لداخ کے پورے لیہہ ضلع کو بھی ہارڈ زون قرار دیا ہے اور اس کے مطابق اپریل کے مہینے میں امتحانات منعقد کرنے کی ہدایت کی ہے جبکہ ہارڈ زونز یا جموں و کشمیر اور لداخ کے ایسے علاقوں کا سالانہ باقاعدہ امتحان اپریل کے مہینے میں منعقد کیا جائے گا۔اس دوران جموں کشمیر بورڈ آف اسکول ایجوکیشن نے 2023-24کے تعلیمی سیشن کے تعلیمی کیلنڈر کو بھی مطلع کیا ہے جس میں اس نے امتحانی فارم جمع کرانے کی تاریخوں کو مطلع کیا ہے۔ ڈائریکٹر اکیڈمکس جے کے بی او ایس ای ڈاکٹر سدھیر سنگھ کے جاری کردہ تعلیمی کلینڈر کے مطابق جموں و کشمیر کے سافٹ اور دیگر علاقوں میں 12ویں جماعت کے طلبائ کے امتحانی فارم جمع کرانے کا عمل نومبر کے تیسرے ہفتے سے شروع ہو گا جبکہ دسویں جماعت کے امتحانات 11وًیں کے طلباء دسمبر کے پہلے اور تیسرے ہفتے سے شروع ہوں گے۔
