سری نگر7نومبر , معروف یورولوجسٹ اور ایچ او ڈی یورولوجی اینڈ کڈنی ٹرانسپلانٹ یونٹ شیرِ کشمیر انسٹی ٹیوٹ آف میڈیکل سائنسز (SKIMS) ڈاکٹر ایم سلیم وانی نے پیر کو کہا کہ پچھلے کئی سالوں سے SKIMS میں کم از کم 550 گردے ٹرانسپلانٹ کیے گئے ہیں۔ انہوں نے کہا کہ انسانی اعضائ کے عطیہ کے بارے میں آگاہی پھیلانا وقت کی اہم ضرورت ہے اور مذہبی رہنما بشمول مسلمان، ہندو، سکھ، عیسائی اور دیگر افراد اس شعور کو پھیلانے میں اہم کردار ادا کر سکتے ہیں۔ گورنمنٹ میڈیکل کالج ہندواڑہ میں منعقدہ "اعضائ کے عطیہ سے متعلق آگاہی” پروگرام کے موقع پر ڈاکٹر سلیم وانی میڈیا سے گفتگو کر رہے تھے۔پروفیسر ایم سلیم وانی نے کہا کہ ہر مذہب اعضائ کے عطیہ کی اجازت دیتا ہے لہذا اعضائ عطیہ کرنے میں کوئی حرج نہیں ہے۔انہوں نے ہر ایک کو اعضائ کے عطیہ کے لیے آن لائن عہد کرنے کی ترغیب دی۔انہوں نے کہا کہ عطیہ دہندگان کی کمی ہے کیونکہ "ہمیں زندہ عطیہ کرنے والوں سے اعضائ لینے پڑتے ہیں۔” "اس سے نمٹنے کے لیے ہم برین اسٹیم ڈیتھ افراد سے اعضائ لے سکتے ہیں۔برین اسٹیم ڈیتھ والے افراد موت کے دہانے پر ہوتے ہیں اور بغیر سہارے کے زندہ نہیں رہ سکتے۔اگر ضرورت مندوں کے لیے ان سے گردے، جگر، پھیپھڑے، دل، آنتیں، لبلبہ اور کارنیا لیا جائے تو وہ آٹھ افراد کو بچا سکتے ہیں۔“ انہوں نے مزید کہا کہ اعضاءکا عطیہ پہلے ہی زور پکڑ چکا ہے اور مسلم ممالک میں کامیاب رہا ہے اور دنیا کے اس حصے میں بھی بیداری پھیلانا وقت کی اہم ضرورت تھی۔ ایک سوال کے جواب میں کہ نوجوانوں میں گردوں کے فیل ہونے کی شرح میں تیزی سے اضافہ دیکھنے میں آیا ہے پر انہوں نے کہا کہ ذیابیطس، ہائی بلڈ پریشر اور سب سے اہم منشیات کا استعمال نوجوانوں کے گردے فیل ہونے کی بڑی وجوہات ہیں۔”ایک بار گردے فیل ہوجانے کے بعد، ڈائیلاسز کے بعد گردے کی پیوند کاری کا کوئی متبادل نہیں ہوتا”۔ قبل ازیں جموں و کشمیر اسٹیٹ آرگن اینڈ ٹشو ٹرانسپلانٹ آرگنائزیشن (SOTTO) نے GMC ہندواڑہ کے فیکلٹی، طلبائ اور پیرا میڈیکل اسٹاف کے لیے ہسپتال انتظامیہ کے شعبہ کے اشتراک سے ایک بیداری پروگرام کا انعقاد کیا۔ جی ایم سی ہندواڑہ پرنسپل پروفیسر ڈاکٹر عفت حسن نے تقریب کی صدارت کی اور پروفیسر ڈاکٹر ایم سلیم وانی، ہیڈ ڈیپارٹمنٹ آف یورولوجی اینڈ کڈنی ٹرانسپلانٹ یونٹ سکمیز سرینگر مہمان خصوصی تھے۔ ہیڈ آف یورولوجی جی ایم سی جموں کم نوڈل آفیسر جموں و کشمیر SOTTO ڈاکٹر الیاس شرما نے انسانی اعضائ کے عطیہ اور ٹرانسپلانٹیشن پر تفصیلی پریزنٹیشن دی اور اس سے جڑی مختلف معملات کو واضح کیا۔ انہوں نے کہا کہ ہندوستان میں اعضاءکی طلب اور دستیابی کے درمیان خلا کو پ±ر کرنے کا جواب صرف کیڈیورک آرگن کا عطیہ ہو سکتا ہے، اس طرح بہت سی جانیں بچائی جا سکتی ہیں۔ SOTTO جموں و کشمیرکے جوائنٹ ڈائریکٹر ڈاکٹر سنجیو پوری نے نیشنل آرگن ٹرانسپلانٹ پروگرام (NOTP) کی اہمیت کو واضح کیا اور کہا کہ اسکا آغاز وزارت صحت اور خاندانی بہبود کے تحت کیا گیا تھا تاکہ مرنے والے عطیہ کو تحریک دی جاسکے۔ انہوں نے آرگن ڈونر بننے کے لئے آیوشمان بھاو کے تحت آرگن ڈونیشن پلیج ڈرائیو میں رجسٹر کرنے کے اقدامات کے بارے میں بھی بتایا۔ اس تقریب کو اسسٹنٹ پروفیسر ڈاکٹر محمد سرور، ہسپتال انتظامیہ شعبہ، جی ایم سی نے ترتیب دیا تھا۔
