کے این ایس۔۔۔۔جموں و کشمیر کے لیفٹینٹ گورنر منوج سنہا کی قیادت والی سرکار نے یونین ٹیریٹری میں شہریوں کی حفاظت اور بہبود کو یقینی بناتے ہوئے موسم سرما کی تیاریوں کو بڑھانے کے لیے جامع اقدامات شروع کیے ہیں اور اس حوالے سے تمام لائن ڈیپارٹمنٹوں کو متحرک کیا گیا ہے جبکہ حکومت نے مشینری اور متعلقہ ساز و سامان کو نمایاں طور پر مضبوط بنانے کے اپنے عزم کا اعادہ کیا ہے جس کا مقصد برف کی صفائی کو ہر ممکن یقینی بنانا اور سردیوں سے متعلق مختلف چیلنجوں کا مقابلہ کرنا ہے۔لیفٹیننٹ گورنر منوج سنہا پہلے ہی جموں و کشمیر کے لوگوں کو برف صاف کرنے کے خصوصی آلات اور گاڑیاں وقف کر چکے ہیں جبکہ ایل جی انتظامیہ کو فیلڈ افسران سے رپورٹس موصول ہوئی ہے کہ جموں و کشمیر انتظامیہ کی طرف سے مشینری اور آلات میں خاطر خواہ اپ گریڈ کی نشاندہی کی گئی ہے، جس سے سردیوں کے مہینوں میں برف صاف کرنے اور سردیوں سے متعلق دیگر چیلنجوں سے نمٹنے میں قابل ذکر بہتری کو یقینی بنایا ہے۔منوج سنہا نے سردیوں کے دوران اہم بنیادی ڈھانچے، سڑکوں کے نیٹ ورکس اور مکینیکل نظام کو برقرار رکھنے کی انتہائی اہمیت پر زور دیا ہے جبکہ انہوں نے سیزن کے دوران شہریوں کی بہبود اور سہولت کو یقینی بنانے میں محکمہ کے اہم کردار پر زور دیا۔ کے این ایس کے مطابق کہ ایل جی نے حکومت کی طرف سے مشینری اور متعلقہ آلات میں خاطر خواہ اضافہ پر روشنی ڈالی ہے، اور آئندہ سردیوں میں ان کی بروقت تعیناتی کی اہمیت پر زور دیا ہے ۔اس دوران بلا تعطل سڑک کنیکٹیویٹی پر خصوصی زور دیتے ہوئے ایل جی نے افسران کو ہدایت کی ہے کہ وہ برف صاف کرنے والی مشینری اور آلات کو اہم مقامات اور ہسپتالوں میں پہلے سے ہی تعینات کریں جس کا مقصد ناہموار برف باری کی وجہ سے کسی بھی ہنگامی صورتحال کو کم کرنا ہے۔
انہوں نے روڈ ایجنسیوں پر زور دیا کہ وہ لوگوں کو خدمات کی موثر فراہمی کے لیے تال میل اور ہم آہنگی سے کام کریں۔ایل جی نے افسران کو ہدایت کی کہ وہ خدمات کی بروقت بہتری کے لیے کمیونیکیشن نیٹ ورک سسٹم کو مزید فعال بنائیں۔ایل جی نے افسران کو ہدایت کی کہ وہ لوگوں کی ضروریات کو پورا کرنے کے لیے ایک محتاط انداز اپنائیں، خاص طور پر وہ لوگ جو مشکل مقامات اور برفباری والے علاقوں میں ہیں جبکہ انہوں نے موسم سرما کے ممکنہ واقعات کے دوران عوام کے حقیقی خدشات کے ردعمل پر بھی زور دیا۔کے این ایس نے اطلاع دی ہے کہ ایل جی نے افسران کو ہسپتالوں کی طرف جانے والی سڑکوں کے ساتھ مناسب مشینری تعینات کرنے کی بھی ہدایت کی ہے تاکہ بلا تعطل صحت کی دیکھ بھال کی خدمات، ہنگامی نقل و حمل اور پولیس کی مدد کو یقینی بنایا جا سکے۔یہاں یہ بات قابل ذکر ہے کہ جموں کشمیر ڈیزاسٹر مینجمنٹ اتھارٹی نے آر اینڈ بی ڈپارٹمنٹ کے مکینیکل اینڈ ہسپتال انجینئرنگ ڈائریکٹوریٹ کو محفوظ اور موثر برف صاف کرنے اور شہریوں کے لیے رسائی کو برقرار رکھنے کے لیے آلات حوالے الاٹ کیے ہیں جس میں
سنو کٹر، بیکہو لوڈرز، برف ہٹانےکے ہل والے ٹریکٹر، لائٹ ریکوری وہیکل کرینز، وہیل ماونٹڈ فرنٹ اینڈ لوڈرز اور دیگر مشینری شامل ہے ۔
