سرینگر: ایکٹرز کریٹیو تھیٹر کے اہتمام اور کلچرل اکیڈیمی اور آل جے اینڈ کے فوک آرٹسٹس ایسوسی ایشن کے باہمی اشتراک سے کانفرنس روم۔ٹیگور ہال میں وادی کے معروف تھیٹر ڈائریکٹر اور اداکار مشتاق کاک کی یاد میں ایک تقریب کا انعقاد کیا گیا، جس کی صدارت سابق سیکریٹری کلچرل اکیڈیمی ظفر اقبال منہاس نے کی۔
تقریب کے آغاز میں شہزاد شبیر نے مشتاق کاک کے حق میں فاتحہ خوانی اور دعائے مغفرت کی۔ تقریب کے دوران تھیٹر سے جُڑے اشخاص نے مشتاق کاک کو شایانِ شان خراج عقیدت ادا کیا۔
تقریب میں سید ہمایوں قیصر، گلزار گنائی، ارشد مشتاق، مشتاق بالا، شفیق قریشی، حسن جاوید، حسین خان، منظور، شوکت ماگرے، خورشید میر، اشبری، گلزار احمد بٹ، طاہر نجار، بلال بھگت، راجا بلال، فیاض صوفی، رفیق مٹو، شبیر احمد یتو اور اختر حسین خاص طور پر شامل تھے۔
تقریب کی نظامت کے فرائض ACT کے چیرمین مشتاق علی احمد خان نے انجام دئے۔
