کپواڑہ/23فروری2024ئسیکرٹری اَمورِ نوجوان و کھیل کود سرمد حفیظ نے آج ٹاو¿ن ہال کپواڑہ میں عوامی شکایات اور ترقیاتی سرگرمیوں کا جائزہ لینے کے لئے ایک میگا عوامی دربار کی صدارت کی۔ اِس موقعہ پر اُنہوں نے تین ترقیاتی منصوبوں کا اِفتتاح کیا۔اِس موقعہ پر چیئرمین ضلع ترقیاتی کونسل کپواڑہ عرفان سلطان پنڈتپوری،ضلع ترقیاتی کمشنر کپواڑہ آیوشی سوڈان، وائس چیئرمین ڈسٹرکٹ ڈیولپمنٹ کونسل کپواڑہ حاجی فاروق احمد میر، ڈی ڈی سی ممبر درگمولہ حاجی فاروق احمد میر، اے ڈی ڈی سی کپواڑہ ایڈوکیٹ آمنہ، اے ڈی سی کپواڑہ گلزار احمد بٹ، محمد رو¿ف رحمان، ضلعی اَفسران، دیگر نمائندگان اور مختلف علاقوں کے عوام کی بڑی تعداد نے شرکت کی۔سرمد حفیظ نے عوامی دربار کی صدارت کرتے ہوئے کہا کہ ضلع ترقیاتی کمشنر کپواڑہ محترمہ آیوشی سوڈان اور افسران کی ٹیم کی سربراہی میں ضلع کپواڑہ میں ترقی اور پیش رفت دیکھ کر اُنہیں بہت خوشی ہوئی ہے ۔
