آراگام بانڈی پورہ کے جنگلات میں فائرنگ کا تبادلہ

سرینگر شمالی کشمیر کے ضلع بانڈی پورہ کے آریگام جنگلات میں بدھ کی صبح ملی ٹینٹوں اور فورسز کے درمیان فائرنگ کا تبادلہ ہوا ہے جس کے نتیجے میں یہاں 2فوجی اہلکار معمولی زخمی ہوئے ہیں جبکہ علاقے میں چھپے بیٹھے ملی ٹینٹوں کی تلاش بڑے پیمانے پر جاری جاری ہے جہاں فضائی نگرانی لے لئے ہیلی کپٹر کا استعمال بھی کیا گیا ہےب ۔کشمیر نیوز سروس( کے این ایس ) کے مطابق علاقے کے جنگلات میں فوج اور فورسز کو ملی ٹینٹوں کی موجود گی کے حوالے سے اطلاع موصول ہوئی اس دوران فورسز نے علاقے کو دوران شب ہی محاصرے میں لیکر یہاں تلاشی کارروائیوں کا آغاز کیا ہے جس دوران ابتدائی طور پر ملی ٹینٹوں اور فوج کے درمیان گولیوں کا تبادلہ ہوا ہے جس دوران فوج نے بھی زبردست جوابی فائرنگ کی ہے جس کے نتیجے میں یہاں2فوجی اہلکار معمولی زخمی ہوئے ہیں جن کو ہسپتال منتقل کیا گیا ہے ۔جبکہ فائرنگ کے بعد علاقے میں مزید کمک کو طلب کیا گیا ہے اور ملی ٹینٹوں کی تلاش تیز کر دی گئی ہے ۔کشمیر زون پولیس نے ایکس کو بتایا کہ "آراگام کے رینجی جنگلاتی علاقے، نڈی پورہ میں صبح سویرے دہشت گردوں اور سیکورٹی فورسز کے درمیان رابطہ قائم ہوا۔”حکام نے بتایا کہ ابھی تک دونوں طرف سے کسی جانی نقصان کی کوئی اطلاع نہیں ہے۔حکام نے بتایا کہ فوج نے دہشت گردوں کو بھاگنے سے روکنے کے لیے فضائی نگرانی کے لیے ہیلی کاپٹروں کو استعمال کیا ہے۔انہوں نے کہا کہ بڑے پیمانے پر تلاشی مہم جاری ہے اور مزید تفصیلات کا انتظار ہے۔ ذرائع نے بتایا ابتدائی فائرنگ کے بعد علاقے میں دوبارہ آمنا سامنا نہیں ہوا ہے تاہم فوج نے یہاں بڑے پیمانے پر تلاش تیز کی ہے ۔