غازی پور/اُترپردیش//05مئی2024ئلیفٹیننٹ گورنر منوج سِنہانے آج غازی پور میں ”ہندوستانی ثقافت اور روایت کے تحفظ میں جدید تعلیم کا کردار“ کے موضوع پر ایک سمینار سے خطاب کیا۔اُنہوںنے اَپنے کلیدی خطاب میں ثقافت اور روایتی علم و طریقوں کے تحفظ اور فروغ میں جدید تعلیمی نظام کی اہمیت پر روشنی ڈالی۔لیفٹیننٹ گورنر نے کہا ،”ثقافت معاشرے کی آواز ہے۔ ہندوستان ثقافتی اَقدار کے احیاءکا مشاہدہ کر رہا ہے اور جدید تعلیم نوجوان نسل کو قدیم اَقدارکو برقرار رکھتے ہوئے عالمی دُنیا سے مقابلہ کرنے کے قابل بنا رہی ہے۔“اُنہوں نے کہا کہ جدید تعلیم نے روایات اورٹیکنالوجی کے درمیان، سائنس اور سنسکار کے درمیان ایک عمدہ توازن برقرار رکھا ہے۔ اُنہوں نے کہا کہ قومی تعلیمی پالیسی بھی نوجوانوں کی مجموعی ترقی پر توجہ مرکوز کرتی ہے اور اِس بات کو یقینی بناتی ہے کہ وہ بہترین عالمی معیار کی تعلیم تک رَسائی حاصل کر سکیں۔لیفٹیننٹ گورنر نے تعلیمی شعبے میں اِصلاحات ، سکول اور اعلیٰ تعلیم پر اس کے اثرات پر بھی بات کی۔اُنہوں نے تعلیم میں اِصلاحات نے ثقافتی احیاءکو نئی تحریک دی ہے اور جدید تعلیمی نظام سے روشن مستقبل کی بنیاد رکھی گئی ہے۔ اُنہوں نے کہا کہ ہندوستانی ثقافت ، اَخلاقیات اور اَخلاقی اَقدار کے تئیں ایک نئی دلچسپی پیدا ہوئی ہے اور ایک نیا شعورشکل اِختیار کر رہا ہے ۔
