سید اعجاز
ترال //سب ضلع ترال میں بیک وقت7مقامات جن ناگہ واڑی پنگلش ،بسمئی،بوچھو،دودھ کلن لرگام ،شاجن پانزو،زاری ہاڑ ماحچھہامہ، جنگلوں میں آگ اچانک ظاہر ہوئی جبکہ آگ کو بجھانے کے کا م میں مصروف عملے کو پریشانیوں کا سامنا کرنا پڑا ۔اس دوران جب مقامی لوگوں نے علاقے کے جنگلوں کو ہر طرف جلتے ہوئے دیکھا تو سب سے پہلے جنگلوں کے نذدیک رہائش پزیر لوگوں نے دوران شب ہی آگ بجھانے کے کام میں جٹ گئے ۔ پیر کی صبح یہاں ،الخدمت ٹرسٹ ڈاڈسرہ ترال،محمدییہ ویلفیر ٹرسٹ چندیگام ترال،کے درجنوں نوجوان کے ساتھ ساتھ گلشن پوہ ،لرگام ،پانزو،بسمئی،ماحچھامہ زاری ہاڑ،لری بل ،بوچھوں شاجن ،سیر ،گلشن پورہ ،نازنین پورہ،ہفتو،وغیرہ علاقوں کے نوجوان کی ایک بڑی تعداد نے رضا کارانہ طور یہاں محکمہ جنگلات کے تمام شاخوں کو اپنا تعاون دیکر آگ کو بجھا لیا ہے اس طرح سے اس بیانک آگ پر بڑے پیمانے پرقابو پا لیا گیا ہے۔جبکہ پیر صبح سویرے ممبر اسمبلی ترال ناگہ واڑی جنگل میں اپنے اور بھائی کے بیٹے اور دیگر کچھ ورکران کے ہمراہ یہاں پہنچے اور کچھ حصے پر آگ بجھانے والے عملے کی مدد کی۔اس دوران محکمہ پولیس نے ایس ڈی آر ایف کو ایس ایس پی اونتی پورہ نے روانہ کیا ہے جبکہ سی آر پی ایف بھی اس آگ کو بجھانے میںمصروف رہے
۔اس دوران ممبر اسمبلی نے آگ سے متاثرہ علاقوں کا
دورہ کرنے کے بعد بتایا کہ انتظامیہ کے ساتھ مل کر انہوں نے اس حوالے سے بھر وقت اقدام سے یہاں کے جنگلات کو بڑے نقصان سے بچا لیا گیا۔
انہوں نے ترال کے نوجوان نے ایک مثال قائم کی ہے یہاں کے نوجوان واقعی فہم رکھتے ہیں کہ جنگلات ہمارا قومی سرمایہ ہے ۔انہوں نے کہا محکمہ جنگلات اور لوگوں کی بر وقت کارروائی سے جنگل بچ گئے اور کوئی بڑا نقصان نہیں ہوا ۔
ڈی ڈی سی ممبر ترال ڈاکٹر ہر بخش سنگھ نے بتایا جب آگ ظاہر ہوئی تو تب سے لیکر آج تک انہوں نے چیف منسٹر دفتر،ایل جی آفس ڈی سی پلوامہ،اور وزیر جنگلات کی نوٹس میں معاملہ لایا ۔انہوں نے جنگلی میں بیک وقت لگی آگ کی ایک تحقیقات کا مطالبہ کیا ۔جنگلوں میں آگ بجھانے والے رضاکاروں اور باقی موجود عملہ کے لئے یکت ویلفیئر ٹرسٹ کے چیر مین فاروق ترال ان کے لئے دوپہر کا کھانا اور پانی کی بوتلیں روانہ کی
۔فاروق ترالی نے بتایا ہمارے نوجوانوں نے ایک مثال قائم کی ۔اے ڈی سی ترال ایس وائی نقاش نے نمائندے کو بتایا کہ مسلسل خشک سالی کی وجہ سے آگ کے وارات رونما ہو رہے ہیںانہوں نے بتایا انتظامیہ کی جانب سے جتنا ممکن ہوا بھر وقت وسائل کو بھروئے لا کر آگ کو بجھایا گیا ہے ۔ترال میں تعینات محکمہ جنگلات کے رینج افسر نے بتایا کہ یہ آگ وائلڈ لائف ائیریا میںلگی اور تمام لوگوں نے ہما نے رات یہاں پر ہی گزاری اور آگ پر قابو پا لیا گیا ہے ۔موصوف نے مزید بتایا کہ لوگ فلحال اس خشک سالی کے بیچ جنگلات کا رخ نہ کریں
