سرینگر /جموں و کشمیر پولیس کے سربراہ (ڈی جی پی )نلین پربھات نے اتوار کو گاندربل میں ماتا کھیر بھوانی مندر کا دورہ کیا اور وہاں منعقد ہو رہے میلے کے لیے حفاظتی انتظامات کا جائزہ لیا۔کشمیر نیوز سروس ( کے این ایس ) کے مطابق جموں و کشمیر پولیس کے ڈائریکٹر جنرل نے مندر کے دورے کے دوران گاندربل ضلع کے سینئر پولیس اہلکار بھی ان کے ساتھ تھے۔ انہوں نے مندر کی عبادت گاہ میں ماتا راگنیا دیوی کو بھی سجدہ کیا۔حکام نے بتایا کہ یاتریوں کی سیکورٹی اور قیام کے لیے تمام انتظامات مکمل ہیں لیکن انہوں نے مزید کہا کہ گزشتہ سال کے مقابلے میلے کے وقت کے لیے کم عقیدت مند آئے ہیں۔اسے قبل گزشتہ روز آئی جی پی کشمیر نے بھی ماتحت افسران کے ساتھ سنیچر کو دورہ کر کے یہاں انظامات کا جائزہ لیا ۔ کھیر بھوانی میلہ منگل کو گاندربل میں تلمولہ میں راگنیہ بھگوتی کی پانچ عبادت گاہوں، کولگام میں منزگام اور دیوسر، اننت ناگ میں لوگری پورہ اور کپواڑہ میں ٹکر میں منگل کو منعقد ہوگا۔سخت حفاظتی انتظامات کے درمیان، سینکڑوںکی تعداد لوگ، جن میں زیادہ تر کشمیری پنڈت تھے، اتوار کی صبح یہاں سے 60 بسوں کے قافلے میں وادی کے لیے روانہ ہوئے تاکہ کمیونٹی کے سب سے بڑے مذہبی پروگراموں میں سے ایک کھیر بھوانی میلے میں شرکت کریں
