سرینگر /اپنی پارٹی کے کئی سرکردہ رہنماو¿ں نے آج سرینگر کے راج بھون میں لیفٹیننٹ گورنر (ایل جی) منوج سنہا سے ملاقات کی۔ اس میٹنگ کا مقصد موجودہ سیاسی اور سیکورٹی کی صورتحال پر بات کرنے کے علاوہ لیفٹنٹ گورنر کی نوٹس میں بعض اہم عوامی مسائل لانا تھا۔کشمیرنیوز سروس ( کے این ایس ) کے مطابق لیفٹنٹ گورنر سے ملاقات کرنے والے لیڈران میں پارٹی کی پارلیمانی امور کمیٹی کے چیئرمین محمد دلاور میر، جنرل سیکرٹری رفیع احمد میر، ایڈیشنل جنرل سیکرٹری ہلال احمد شاہ، صوبائی صدر محمد اشرف میر، چیف کوآرڈی نیٹر عبدالمجید پڈر، ترجمانِ اعلیٰ اور ریاستی سیکرٹری منتظر محی الدین شامل تھے۔یہاں جاری کردہ ایک پارٹی بیان میں کہا گیا ہے: ” اپنی پارٹی کے رہنماو¿ں نے محمد دلاور میر کی سربراہی میں ا?ج لیفٹیننٹ گورنر منوج سنہا کے ساتھ مفصل ملاقات کی، جس میں جموں کشمیر کی موجودہ سیاسی اور سیکورٹی صورتحال پر تبادلہ خیال کیا گیا۔ خاص طور سے پہلگام دہشت گردانہ حملے اور اسکے بعد پیدا شدہ صورتحال کے تناظر میں بات چیت کی گئی۔ علاوہ اس کے ایل جی کی نوٹس میں بعض اہم عوامی مسائل لائے گئے۔بیان میں مزید کہا گیا، ”اپنی پارٹی لیڈران نے لیفٹنٹ گورنر کے ساتھ اپنے کئی مطالبات دہرائے، جن میں جموں کشمیر کو اس کا ریاست کا درجہ بحال کرنے کا مطالبہ بھی شامل تھا۔ اس کے علاوہ انہوں نے پہلگام دہشت گردانہ حملے کی وجہ سے عوام کے اعتماد کو پہنچنے والے دھچکے کے تدارک کےلئے اعتماد سازی کے اقدامات کرنے کے مطالبات بھی کئے۔ انہوں نے وادی میں سیاحتی سرگرمیوں کو بحال کرانے کے اقدامات کے حوالے سے یہاں کے سٹیک ہولڈرز کو بھی اعتماد میں لینے کی مانگ کی اور سیاحتی شعبے سے جڑے چھوٹے کاروباریوں کے بینک قرضوں کی ادائیگی میں انہیں کچھ رعایت دینے کی مانگ بھی کی۔ لیفٹنٹ گورنر نے اپنی پارٹی کے رہنماو¿ں کو بغور س±نا اور انہیں یقین دلایا ان کی طرف سے ابھارے گئے مسائل کو حل کرنے کی بھر پور کوشش کی جائے گی۔“
