ترال کے مختلف علاقو ں میں تباہ کن ژالہ باری،فصلوں کو شدید نقصان
سید اعجاز
ترال//جنوبی کشمیر کے سب ضلع ترال کے مختلف بالائی علاقوں میں پیر کے روز ساڑے تین بجے کے قریب موسم نے اچانک کروٹ لی جس دوران بارشوں کے ساتھ ساتھ کچھ منٹ تک سخت ژالہ باری ہوئی ہے جس کے نتیجے میںفصلوں،میوہ جات اور سبزیوں کو شدید نقصان پہنچا ہے ۔مقامی لوگوں نے بتایا سب ضلع کے دور افتادہ گاﺅں بسمئی بٹ نور،کار ملہ،برن پتھری ناگہ بل،ماحچھہامہ،دودھ مرگ،ناگہ پتھری ،زاری ہاڑ، سمیت دیگر کئی علاقوں میںشدید ژالہ باری ہوئی ہے۔انہوں نے بتایا ژالہ باری نے میوہ باغات کے ساتھ ساتھ اخروٹ کے فصل اور سبزیوں کو شدید نقصان پہنچا ہے مقامی لوگوں نے بتایا سب سے زیادہ نقصان بمسئی ہوا ہے جبکہ ناگہ بل گاﺅں میں بھی شام تک اولے زمین پر جمع تھے۔کسانوں نے بتایا یہ اب تک کی تیسری بڑی ژالہ باری ہے انہوں نے بتایا اس قبل بھی انہیں نقصان پہنچا اور تب محکمہ نے پانچ فیصد نقصان قرار دیا ۔انہوں کہا باغات کے نقصان کی وجہ سے کسان سخت پریشان ہوئے ۔ادھر ممبر اسمبلی ترال رفیق احمد نائیک نے سرکار اپیل کی ہے متاثرین کو معاوضہ فراہم کیا جائے ۔انہوں نے بتایا کسانوں نے آج تک ہزاروں روہے مالیت کی اداویات استعمال کی لیکن اب ہر روز کے نقصان سے کسان کی حالت خراب ہو رہے۔