نائب وزیر اعلیٰ نے نوشہرہ میں لیبر بیداری کیمپ کا اِفتتاح کیا اور مالی اِمداد تقسیم کی

راجوری/نائب وزیراعلیٰ سریندر کمار چودھری نے آج ڈاک بنگلہ نوشہرہ میں جموں و کشمیر بلڈنگ اینڈ اَدر کنسٹرکشن ورکرز ویلفیئر بورڈ (جے کے بی او سی ڈبلیو ڈبلیو بی) کی سکیموں کے تحت ایک بیداری اور مالی اِمداد کی تقسیم کے کیمپ کا اِفتتاح کیا۔یہ کیمپ محکمہ لیبر راجوری کی طرف سے منعقد کیا گیااور اِس کیمپ میں نائب وزیرا علیٰ نے 263 مستفیدین میں تعلیم کے لئے مالی اِمداد کی مد میں 12,76,000 روپے تقسیم کئے۔ اِس موقعہ پر رجسٹرڈ تعمیراتی کارکنوں میں لیبر کارڈ بھی تقسیم کئے گئے۔کیمپ میں ایڈیشنل ڈپٹی کمشنر نوشہرہ پرتیم لال تھاپا، اسسٹنٹ لیبر کمشنر راجوری پردیوت گپتا، نوشہرہ حلقہ سے بڑی تعداد میں لوگ اوراِستفادہ کنندگان کی بڑی تعداد نے شرکت کی۔